‏Shiwétsiyediki Uyghurlar türk teshkilatlirining namayishigha qatnashti

Ixtiyariy muxbirimiz éhsan
2016-08-02
Share
shiwetsiye-uyghur-turk-namayish.jpg ‏Shiwétsiyediki Uyghurlar türk teshkilatlirining namayishigha qatnashti. 2016-Yili 31-iyul.
RFA/Éhsan

15-Iyul küni türkiye armiyesi ichidiki bir ochum qomandan we herbiy türkiye hökümitige qarshi herbiy özgirish élip bérip, 250 din artuq saqchi we puqralarning ölüshige seweb bolghan idi.

Bu munasiwet bilen shiwétsiyede yashawatqan Uyghurlar türk teshkilatliri bilen birlikte 31-iyul küni shiwétsiyening paytexti sitokholmda turushluq türk elchixanisi aldida gülen jama'itining térrorluq heriketlirige qarshi naraziliq namayish ötküzdi.

Mezkur namayishqa shiwétsiyediki türklerdin bashqa, iraq türkmenliri bilen sherqiy türkistanliq Uyghurlarmu qatnashti.

Namayish 15-iyul eskiri isyanda hayatidin ayrilghan 250 neper kishining rohigha atap qur'an tilawet qilish we istiqlal marshi oqush bilen bashlandi.

Kéyin türkiyening sitokholmda turushluq bash elchisi kaya türkmen sözge chiqip, mezkur namayishqa qatnashqan, yéqindin qollap quwwetligen wetendashlar we qérindashlarning 15-iyulda fethullah gülen teshkilatining térrorluq heriketlirige qarshi birlik sep bolup namayishqa qatnashqanlardin sherep hés qilidighanliqini bildürüp mundaq dédi: "Eger herbiy-siyasiy özgirish ghelibe qilghan bolsa, hazirqi ehwalimizning qandaq bolidighanliqini oylashnimu xalimaymen. Belki bu, balaning yaxshi teripi renggi, étnik kélip chiqishining qandaq bolushidin qet'iynezer, 78 milyon türk xelqni bir-birige yéqinlashturdi. Buning dawamlishishini xalaymiz..." dédi.

Shiwétsiye Uyghur ma'arip uyushmisining mes'ulliridin abdulla kökyar ependi radiyomiz muxbirining ziyaritini qobul qilip: "15-Iyul kechte türkiyede yüz bergen qanliq herbiy-siyasiy özgirish qozghashqa urunush qilmishidin xewer tépip, shu waqitning özidila derhal türkiyening shiwétsiyediki elchixanisining aldigha kélip, türk xelqi bilen bir septe ikenlikimizni namayan qilghaniduq. Lékin, fethullahchi térrorluq guruhining zorawan herikitige bolghan naraziliqimiz buningliq bilen bésiqmidi. Shuning bilen, shiwétsiyediki xelq pida'iyliri wekili gülxan xanim bilen uyushmimiz hemkarliship, 31-iyul chüshtin kéyin 5 yérimdin 10 ghiche bolghan ariliqta sitokholmdiki elchixanining aldida namayish orunlashturduq" dédi.

Namayishqa türk jama'et erbabliri, Uyghurlar we türkmenlerdin bolup köp sanda adem qatnashti.

Uyghur ma'arip uyushmisining re'isi abdulla kökyar ependi shiwétsiyediki barliq Uyghurlargha wakaliten türkiye xelqi teripini élip, ularning béshigha kelgen éghir musibet künde yénida bolalighinidin memnun bolghanliqini anglatti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet