شىۋېتسىيەدە ياۋروپادىكى شەرقىي تۈركىستانلىق ئۆسمۈرلەر دالا پائالىيىتى ئۆتكۈزۈلدى

ئىختىيارىي مۇخبىرىمىز ئىھسان
2015-05-15
Share
shwetsiye-osmurler-dala-paaliyiti-yighin.jpg شىۋېتسىيەدە ئۆتكۈزۈلگەن ياۋروپادىكى شەرقىي تۈركىستانلىق ئۆسمۈرلەر دالا پائالىيىتى جەريانىدىكى يىغىن
RFA/Ihsan


ياۋروپادىكى شەرقىي تۈركىستانلىق ئۆسمۈرلەر دالا پائالىيىتى شىۋېتىسيە كاتىرىن خولۇمدىكى ئارالدا 15 - مارت كۈنى رەسمىي باشلاندى.

بۇ قېتىملىق پائالىيەتنى شىۋېتسىيە ئۇيغۇر مائارىپ ئۇيۇشمىسى، گوللاندىيە ياۋروپا شەرقىي تۈركىستان مائارىپ جەمئىيىتى، فىنلاندىيە ئۇيغۇر مەدەنىيەت مەركىزى قاتارلىق تەشكىلاتلار بىرلىكتە ھەمكارلىشىپ ئورۇنلاشتۇرغان.

بۇ دالا پائالىيىتى 15 - مايدىن17 - مايغىچە ئېلىپ بېرىلىدىغان بولۇپ،تۇنجى نۆۋەتلىك ئۆسمۈرلەر دالا پائالىيىتىدە ئەخلاق، ئىلىم ئېلىشنىڭ ئەھمىيىتى، ئىسلام ئەقىدىسى،دۇنيادىكى پىكىر ۋە ئېقىملار، شەرقىي تۈركىستان تارىخى قاتارلىق مەزمۇنلاردا لىكسىيە ئورۇنلاشتۇرۇش بىلەن بىرگە، ھەر خىل شەكىلدىكى تەنتەربىيە پائالىيەتلىرى ئېلىپ بېرىلىدىكەن.

شىۋېتسىيەدە ئۆتكۈزۈلگەن ياۋروپادىكى شەرقىي تۈركىستانلىق ئۆسمۈرلەر دالا پائالىيىتى جەريانىدىكى بايراق چىقىرىش مۇراسىمى
شىۋېتسىيەدە ئۆتكۈزۈلگەن ياۋروپادىكى شەرقىي تۈركىستانلىق ئۆسمۈرلەر دالا پائالىيىتى جەريانىدىكى بايراق چىقىرىش مۇراسىمى

پائالىيەت باشلىنىشتىن بۇرۇن ئارالدىكى بايراق چىقىرىش خادىسىغا يىغىن قاتناشقۇچىلىرىنىڭ قاتنىشىشى بىلەن شەرقىي تۈركىستان دۆلەت بايرىقى چىقىرىش مۇراسىمى ئۆتكۈزۈلدى.

دالا پائالىيىتى ئېچىلىش مۇراسىمىدا شىۋېتىسيە ئۇيغۇر مائارىپ ئۇيۇشمىسىنىڭ رەئىسى ئەخمەتجان تۇرسۇن تەبرىك نۇتقى سۆزلىدى. بىز بۇ پائالىيەت ھەققىدە تەپسىلىي مەلۇماتقا ئېلىش ئۈچۈن پائالىيەت پىلانلىغۇچى ۋە مەسئۇلى نىجات تۇرغۇننى زىيارەت قىلدۇق. بىر قىسىم پائالىيەتكە قاتناشقان ئۆسمۈرلەر ئۆزلىرىنىڭ تەسىراتىنى بايان قىلدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت