Teywende "Sherqiy türkistan: Uyghurlarning heqiqiy dunyasi" namliq kitab teshwiqati dawam qilmaqta

Ixtiyariy muxbirimiz haji qutluq qadiri
2016-10-21
Élxet
Pikir
Share
Print
Ilham mahmut ependi sözde
Ilham mahmut ependi sözde
RFA/Haji Qutluq Qadiri


19 - Öktebirdin bashlap teywende "Sherqiy türkistan:Uyghurlarning heqiqiy dunyasi" namliq kitabni teshwiq qilish pa'aliyiti resmiy bashlan'ghan.

Igilishimizche, yéqinda teywendiki "Awan'gart" neshriyati neshr qilghan "Sherqiy türkistan:Uyghurlarning heqiqiy dunyasi" namliq yéngi kitabni keng teywen jama'itige teshwiq qilish üchün, mezkur neshriyat 19 - öktebirdin bashlap türlük shekilde teshwiq qilish pa'aliyetlirini resmiy bashliwetken.

Mezkur neshriyatning teklipi bilen teywendiki kitab teshwiqat pa'aliyitige ishtirak qiliwatqan yaponiye Uyghur jem'iyitining re'isi ilham mahmutning bildürüshiche, shu küni kechte teybiydiki bir yighilish zalida ötküzülgen Uyghur mesilisi we kitab heqqidiki doklat bérish pa'aliyitige hazir teywende yashawatqan meshhur xitay siyasiy obzorchisi lin bawxu'a ependimu alahide teklip bilen qatniship Uyghurlar toghrisida toxtalghan.

Ilham mahmutning éytishiche, doklat bérish pa'aliyitige qatnashqan Uyghur mesilisige qiziqquchi köpligen yashlar Uyghurlar toghrisida köpligen so'allarni otturigha qoyghan.

Mezkur kitab teshwiqati pa'aliyitining ikkinchi künide ilham mahmut teywendiki nopuzluq radiyo istansisilirining bu heqtiki radiyo söhbet programmilirigha qatnashqan.

Ilham mahmutning ilgiri sürüshiche, mezkur kitabning sétilish ehwali nahayiti yaxshi bolup, dunyaning her qaysi jayliridiki Uyghur mesilisige qiziqquchi keng oqumenler neshriyat arqiliq bu kitabni sétiliwélishqa kélishken.

Bir qisim Uyghur siyasiy közetküchilerning qarishiche, teywen prézidénti ma yingju dewride dunya Uyghur qurultiyining re'isi rabiye qadir xanimning teywen'ge kirishi türlük tosalghulargha uchrighan bolsimu, biraq bu yil 5 - ayda teywen musteqilliqini terghip qilghuchi sey yingwén xanim textke chiqqandin kéyin, teywende Uyghur, tibetlerning kishilik hoquq mesilisige köngül bölüsh weziyiti shekillen'gen.

Yuqiriqi awaz ulinishidin tepsilatini anglang.

Toluq bet