Tokyoda taylandtiki Uyghur musapirlar mesilisi heqqide bir qatar söhbetler élip bérildi

9 - Yanwar tokyoda bash shitabi washin'gitondiki xelq'ara Uyghur kishilik hoquq démoktratiye fondining yaponiyediki wekili doktor turmuhemmet hashim bashchiliqidiki bir guruppa kishiler yaponiye tashqi ishlar ministirliqi we shundaqla tokyoda turushluq tayland bash elchixanisi bilen taylandtiki Uyghur musapirlar mesilisi heqqide bir qatar söhbetlerni élip barghan.

Doktor turmuhemmet hashimning bildürüshiche, bügün yaponiye tashqi ishlar ministirliqida etigen sa'et on yérimdin on bir yérimgha qeder bir sa'et etrapida taylandtiki Uyghur musapirlar mesilisi heqqide mexsus söhbet élip bérilip, bu heqte bezi teklip we telepler otturigha qoyulghan. Ular yaponiye hökümitining diplomatik yollar arqiliq, tayland hökümitige Uyghur musapirlar mesiliside xelq'ara nizamlargha ri'aye qilghan halda ish körüshini tewsiye qilishini we shundaqla Uyghur musapirlarning üchinchi bir döletke aman - isen bériwélishigha yardemde bolushini sorighan.

Doktor turmuhemmet hashim bashchiliqidiki bu guruppa ezaliri chüshtin kéyin sa'et üchtin bashlap tokyodiki tayland elchixanisining siyasiy ishlargha mes'ul diplomatiye xadimi bilen téléfon arqiliq söhbet élip barghan.

Diqqitinglar,yaponiyediki ixtiyariy muxbirimiz haji qutluq qadirining bu heqte doktor turmuhemmet hahsim bilen élip barghan téléfon söhbitide bolghay.