Tokyoda Uyghur we yaponlar birlikte noruz bayrimini tebriklidi

Ixtiyariy muxbirimiz haji qutluq qadiri
2017-03-19
Share
yaponiye-tokyo-uyghur-noruz-2017.jpg Tokyoda Uyghur we yaponlar birlikte noruz bayrimini tebriklimekte
RFA/Haji Qutluq Qadiri


19-Mart küni yaponiye Uyghur birliki teshkilati yaponiyediki Uyghur mesilisini qollighuchi yaponlargha noruzluq dastixan sélip Uyghurlarning en'eniwi bayramliridin biri bolghan noruz bayrimini tebriklidi.

Pa'aliyet tokyodiki melum bir türk réstoranida élip bérilghan bolup,pa'aliyet kech sa'et altidin sekkizge qeder ikki sa'et dawam qildi.

2017-Yilliq noruz bayrimini qutluqlash pa'aliyitini yaponiyediki Uyghur kishilik hoquq teshkilatliridin yaponiye Uyghur birliki teshkilati teshkilligen bolup pa'aliyetke tokyo etrapidiki bir qisim Uyghurlar jümlidin yaponiyede élip bériliwatqan Uyghur dawasi qollighuchi yaponlar qatnashti.

Pa'aliyetke yaponiye Uyghur birliki teshkilatining hey'et ezasi gülistan riyasetchilik qilip yotub arqiliq Uyghur naxsha-usul sen'itini tonushturdi.

Yaponiye Uyghur birliki teshkilatining 2017-yilliq noruz bayrimini tebriklesh pa'aliyitide aldi bilen yaponiye Uyghur birliki teshkilatining re'isi turmuhmmet hashim söz qilip, noruz bayrimining kélip chiqishi tarixiy toghrisida qisqiche toxtaldi shundaqla dunya Uyghur qurultiyining türkiyediki mu'awin re'isi séyit tümtürk we gérmaniyediki mu'awin re'isi ümid xemitning téléfon arqiliq yollighan noruzluq salimini köpchilikke yetküzdi.

Pa'aliyet Uyghur naxsha-usul sen'itini sin alghu arqiliq körsitish, Uyghur ta'amlirini tonushturushtin ibaret türlük shekiller bilen élip bérildi.

Biz pa'aliyet jeryanida bir qisim Uyghur we yaponlar bilen bu heqte söhbet élip barduq.

Aldi bilen ziyaritimizni qobul qilghan pa'aliyet riyasetchisi gülistan özining noruzluq tesiratini bayan qildi.

Pa'aliyetke ishtirak qilghan yaponlardin murakami xanim noruz bayrimini tebriklesh pa'aliyiti heqqide toxtilip:"Pa'aliyitimiz nahayiti yaxshi élip bériliwatidu.Biz noruzni tebriklesh pa'aliyiti arqiliq Uyghur medeniyiti toghrisida köpligen sawaqlargha ige bolduq"dédi.

Yaponiye Uyghur birliki teshkilatining mu'awin re'isi ghalip mijit pa'aliyet toxtaldi.

Yaponiye élip bériliwatqan Uyghur kishilik hoquq pa'aliyelirini yéqindin qollap kéliwatqan yaponlardin sato bügünki pa'aliyet heqqide toxtilip:"Men ilgiri tokyoda ötküzülgen Uyghur oqughuchilarning noruz bayrimini tebriklesh pa'aliyitige qatnashqan shunga Uyghurlarning noruz bayrimi toghrisida belgilik melumatqa ige,noruz Uyghurlarning en'eniwi bayramliridin biri bolup,bu bayram uzaq esirlik tarixqa ige. Bügünki noruz pa'aliyitige qatnashqanliqimdin özem tolimu xushalmen"dédi.

Yaponiye Uyghur birliki teshkilatining re'isi turmuhemmet hashim mezkur pa'aliyetni teshkillesh toghirisida toxtaldi.

Igilishimizche,bügün yaponiyening tokyo,kansay,kyushu qatarliq jayliridimu bir qisim Uyghurlar topliship a'ililerde we réstoranlarda noruz bayrimini tebriklesh pa'aliyiti élip barghan.

Melum bolushiche, yaponiye Uyghur birliki teshkilati 2016-yili tunji qétim tokyoda Uyghur ta'amlirini teyyarlap noruz bayrimini tebriklesh pa'aliyiti ötküzüp yaponiyede élip bériliwatqan Uyghur kishilik hoquq pa'aliyetlirini qollap kéliwatqan yaponlargha noruzluq dastixan salghan idi.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet