Türkiye emeldari jelaliddin lekesiz béyjingda ming jyenju bilen uchrashti

Muxbirimiz erkin tarim
2015-01-30
Share
ming-jiyenju-erdoghan-bilen-birge-18-noyabir-2014.jpg Türkiye dölet re'isi erdughan ming jyenju bilen bille
RFA/Arslan


Türkiye jama'et xewpsizlik idarisi bashliqi jelaliddin lekesiz ependi, xitay kommunist partiyesi merkiziy siyasiy qanun komitéti bash sékrétari ming jyenju bilen seyshenbe küni élip barghan uchrishishida Uyghur mesilisi kün tertipke keldi.

Shinxu'a xewer agéntliqi ilan qilghan xewerge asaslan'ghanda, béyjing jungnenxeyde ötküzülgen uchrishishta ming jyenju, türkiyeni térrorluq, insan etkeschiliki we chégra sirtidiki jinayetlerge qarshi küreshte xitay bilen téximu zor hemkarliq élip bérishqa chaqirghan.

Xewerlerge asaslan'ghanda, 2007 - yilidin 1012 - yilighiche xitay jama'et xewpsizlik ministiri wezipisini ötigen ming jyenju bu qétimqi uchrishishta, xitay dölitining türkiye bilen muzakire élip bérip, pikir birliki hasil qilghan mesililerde ish birliki qilishqa teyyar ikenlikini, ikki dölet otturisidiki ishenchini kücheytishke, ikki dölet otturisidiki iqtisadiy we tijariy munasiwetni kücheytishke we öz - ara qollap quwetleshke teyyar ikenlikini tekitligen.

Türkiye jama'et xewpsizlik idarisi bashliqi jelaliddin lekesiz ependi bolsa, türk hökümitining xitay döliti bilen bolghan munasiwitige alahide ehmiyet béridighanliqini, türkiyede xitayning menpe'etige ziyan élip kélidighan guruh we shexislerning pa'aliyitige ruxset qilmaydighanliqini bayan qilghan.

Hörmetlik radiyo anglighuchilar, xitay kommunist partiyesi merkiziy siyasiy qanun komitéti bashliqi ming jyenju, xitay jama'et xewpsizliq idarisi bashliqi, xitay istixbarat idarisi bashliqidin terkip tapqan hey'et ötken yili 11 - ayning axirida türkiyege kélip, türk aliy rehberliri we jama'et xewpsizlik idarisining rehberliri bilen bir yürüsh uchrishishlarni élip barghan idi. Bu ziyarettin uzun ötmeyla türkiye jama'et xewpsizlik idarisi bashliqi jelaliddin lekesiz ependi bashchiliqidiki hey'etning xitayda élip barghan ziyariti Uyghurlar arisida ghulghula peyda qilmaqta.

Biz bu uchrishishlar toghrisidiki köz qarishini élish üchün istratégiyelik chüshenche inistitüti türkiye - xitay munasiwetliri mutexessisi doktor erkin ekrem bilen söhbet élip barduq.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet