Türkiyediki herbiy özgirish urunushining meghlup bolghanliqi melum

Muxbirimiz jüme
2016-07-16
Share
turkiye-herbiy-ozgirish-urunishi-2016.jpg Türkiyediki herbiy özgirish urunushini jeryanidiki körünüshler
RFA/Arslan

Türkiyening istanbul we enqere qatarliq sheherliride 15-iyul jüme küni kéchidin bashlinip shenbe küni etigen'giche dawam qilghan herbiy özgirish urunushi meghlup bolghan bolup, xewerlerge qarighanda, türk xelqi shenbe küni her qaysi sheherlerde kochilargha chiqip, öz ghelibisini tebrikleshti.

Toqunush we namayishlardin kéyin türkiye prézidénti rejep tayyp erdughan shenbe küni türk xelqige bayanat bérip herbiy özgirishning ayaghlashqanliqi hökümetning yenila hakimiyet béshida ikenlikini jakarlidi.

Türkiye bash ministiri binali yildirim shenbe küni axbarat élan qilip, bu jeryanda az dégende 165 adem ölüp, 1 ming 440 adem her xil derijide yarilan'ghanliqini bildürdi. We buni "Démokratiye tarixigha sürtülgen qara dagh" dep süretlidi.
Türkiyediki herbiy özgirish urunushini jeryanidiki körünüshler
Türkiye prézidént ishxanisining bildürüshiche 2 ming 839 ofitsér qolgha élin'ghan.

Melum bolushiche, herbiy özgirishke munasiwetlik 8 neper türk herbiy emeldari girétsiyege herbiy tik uchar bilen kélip qonup siyasiy panahliq izdigen.

Walstiri zhurnal gézitining xewer qilishiche, bu heqte toxtalghan girék hökümet xadimi bularning yuqiri mayor derijilik herbiy emeldarlar ikenlikini, ularning meghlubiyet bilen ayaghlashqan herbiy özgirishni qollighan ofitsérlar ikenlikini bildürgen.

Türkiye tashiqi ishlar ministiri mewlut chawush oghlu girék da'iriliridin bu 8 neper türk herbiy xadimini qayturup bérishni telep qilghan.

Türkiye herbiy xadimlirining panahliq iltimasi heqqide toxtalghan girétsiye hökümet bayanatchisi olga gérowasili yazma bayanatida xelq'ara qanun boyiche bu 8 neper xadining panahliq iltimasigha qarap chiqidighanliqini bildürgen.

En'gliyedin chiqidighan "Hamiy" ( gardiyan) gézitining xewer qilishiche, rejep tayyp erdughan jüme küni kechte yüz bergen herbiy özgirish urunushida nöwette amérikida panahlan'ghan türk diniy erbab petqulla gülenning qoli barliqini bildürgen.

Türkiyediki herbiy özgirish urunushini jeryanidiki körünüshler
Türkiyediki herbiy özgirish urunushini jeryanidiki körünüshler
RFA/Arslan

Halbuki, gülen ependi öz tor bétide bayanat élan qilip, bu nöwetlik herbiy özgirish bilen héchqandaq alaqisi yoqluqini bildürüsh bilen birge herbiy özgirishni eyibligen.

Nöwette bu nöwetlik herbiy özgirishning arqisida zadi kimlerning barliqi toluq ashkara bolmidi.

Herbiylerning siyasiy özgirish qozghap hakimiyetni aghdurushi türkiye jumhuriyiti üchün yéngiliq emes. Türkiyede 1960- yilidin 2016- yilighiche jem'iy 6 qétim herbiy özgirish urunushi yüz bergen. Buning eng az dégende 4 qétimliqi toluq ghelibe qilghan idi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet