Türkiyening konya wilayitide “Sherqiy türkistan'gha wapa” mawzuluq yighin ötküzüldi

Türkiyening ottura rayonigha jaylashqan eng chong wilayetlerdin biri bolghan konya wilayitide 3 - ayning 2 - küni “Sherqiy türkistan'gha wapa” mawzuluq yighin ötküzüldi.

Konya wilayitining eng chong ammiwi teshkilatliridin biri bolghan wefa - der jem'iyiti uyushturghan pa'aliyetke alahide teklip boyiche qatnashqan abdusalam teklimakan ependi “Sherqiy türkistanda élip bériliwatqan qirghinchiliq we musteqilliq körishi” témisida doklat berdi. Konya mewlana kültür merkizining zalida ötküzülgen yighin'gha 600 etrapida kishi qatnashqan.

Bu heqte ziyaritimizni qobul qilghan wefa - der jem'iyiti re'isi fewzi yilmaz ependi bu doklat bérish yighinini ötküzüshtiki meqsiti heqqide toxtilip mundaq dédi: “Biz ammiwiy teshkilat bolush süpitimiz bilen musulmanlar yashawatqan zéminlerge alahide köngül bölimiz. Bu jehettin élip éytqanda meqsitimiz musulmanlarni tonutush, musulmanlargha élip bériliwatqan bésimni kishilerge anglitish. Bolupmu sherqiy türkistan unchiwala zulum bar turup awazi dunyagha anglanmaywatqan bir zémin. Biz buni bilettuq, xelqimizge bu mesilini anglitish üchün bundaq bir pa'aliyet élip barduq. 600 Etrapida kishi qatnashti nahayiti yaxshi ötti.”

Sherqiy türkistan ma'arip we hemkarliq jem'iyiti yashlar komitéti mes'uli, sultan satuq bughraxan weqpide terjime xizmetliri bilen shughulliniwatqan abdusalam teklimakan ependi bergen doklatida, Uyghurlarning qisqiche tarixini anglatqandin kéyin, nuqtiliq halda bügünki weziyiti, xitay hökümitining bésim siyasiti, Uyghurlar duchar boluwatqan insan heq we hoquqliri depsendichiliklirini anglatqan. Yighin'gha 600 etrapida kishi qatnashqan.

Uyghurlar toghrisida doklat bérish yighinini uyushturghan wefa - der jem'iyiti re'isi fewzi yilmaz ependi doklat bérish yighinining nahayiti paydiliq bolghanliqini yéngi melumatlargha ige bolghanliqini bayan qilip mundaq dédi: “Biz bilmeydighan sanliq melumatlarni berdi. Pelestin mesilisi islam dunyasining küntertipide idi. Emma sherqiy türkistandiki ehwalni islam dunyasidikiler bilmeydu. Xitayning sherqiy türkistanning nopus qurulmisini özgertish üchün élip bériwatqan sistimiliq xitay yötkesh siyasiti bar iken. Buninggha oxshash melumatlarni berdi, paydilik bir yighin boldi dep oylaymen. Yighin'gha qatnashqanlar Uyghurlarning hazirqi weziyiti toghrisida kitabchilar teyyarlap tarqitishimizni telep qildi. Biz eng qisqa zaman ichide mushundaq bir kitab teyyarlap tarqitishni oylawatimiz.”

“Sherqiy türkistan ma'arip we hemkarliq jem'iyiti” yashlar komitéti mes'uli abdusalam teklimakan ependi hazirghiche shimaliy siprus türk jumhuriyitide, türkiyening istanbul, qoja'éli, chorum, siwas qatarliq sheherliride on qétimdin köprek doklat bergenlikini, buning Uyghur dewasi üchün ünümlük boluwatqanliqini bayan qildi.

Kéyinki yillarda türkiyede oqup yétishken Uyghurlarning sanining köpiyishige egiship, türkiyede Uyghurlar toghrisida doklat bériwatqan Uyghurlarmu köpeymekte. Bulardin biri abdusalam teklimakan ependi. U, 1989 - yili qeshqerning qaghiliq nahiyiside dunyagha kelgen. 2000 - Yili oqush üchün misirgha chiqqan. 2004 - Yilighiche ezher üniwérsitéti tarmiqidiki toluq ottura mektepte oqughan. 2008 - Yili misirning qahire shehiridiki ezher üniwérsitétini püttürgen. 2008 - Yilidin 2011 - yilighiche türkiyede armiyeside eskerlik wezipisini ada qilghan. 2012 - Yilidin béri sherqiy türkistan ma'arip we hemkarliq jem'iyiti yashlar komitéti mes'uli bolup xizmet ötesh bilen birlikte, istanbulda pa'aliyet élip bériwatqan sultan satuq bughraxan weqpide kitab terjime ishliri bilen shughullanmaqta.