Türkiyede ötküzülgen balilar bayrimida Uyghur ösmürlergimu orun bérildi

Ixtiyariy muxbirimiz arslan
2017-04-21
Élxet
Pikir
Share
Print
Türkiyede ötküzülgen xelq'araliq balilar bayrimigha Uyghur ösmürlirimu qatnashti.
Türkiyede ötküzülgen xelq'araliq balilar bayrimigha Uyghur ösmürlirimu qatnashti.
RFA/Arslan


Koja'éli sheherlik hökümetning uyushturushi bilen dunya tinchliqi üchün ülge bolush alahidilikke ige bolghan 23-aprél xelq'araliq balilar bayrimi dunyaning oxshimighan jayliridin kelgen ösmürler koja'éli shehiride sa'et muna'iri aldidin sheherlik hökümet aldighiche yürüsh qilish bilen 20 aprél peyshenbe küni resmiy bashlandi. Bu pa'aliyetke Uyghur ösmürlirige wakaliten sherqiy türkistan ma'arip we hemkarliq jem'iyitining orunlashturushi bilen oghul-qiz bolup 23 neper ösmür qatnashti.

41 Dölet we rayondin shundaqla türkiyening her qaysi sheherliridin bolup, 1000 neper ösmür xoja'éli shehirige jem boldi we özlirining milliy kiyimliri bilen bayraqlirini lepilditip sheher merkizide yürüsh qildi.

Uyghur ösmürler qollirida ay yultuzluq kök bayriqini lepilditip, sheher merkizidiki yürüshke qatnashti. Uyghur ösmürler chimen doppa kanwa könglek qatarliq milliy kiyimliri bilen kishilerning alahide diqqitini tartti.

Pa'aliyetning échilish murasimida koja'éli sheher bashliqi ibrahim qara'osman'oghli, koja'éli waliysi hesen besri güzel ependiler söz qildi.

Sheher bashliqi ibrahim ependi mundaq dédi: "Közimizning nuri balilar koja'élige xosh keldinglar! 23-aprél küni héch bir ösmür köz yéshi qilmisun. 23-Aprél küni héch bir ösmür yighlimaydighan, qorqmaydighan bir dunya qurush tirishchanliq künidur."

Sheher bashliqi ibrahim qara'osman'oghli sözide yene dunyaning nurghun jaylirida urush sewebidin hayatidin ayrilghan yaki wetinini terk étishke mejbur bolghan ösmürlerge köngül bölüsh kéreklikini tekitlidi.

Sheher bashliqi ibrahim ependi sözide yene pa'aliyetke qatnashqan ösmürler xitab qilip mundaq dédi: "Siler bügün bu yerde basqan qérindashliq qedem bilen dunya tinchliqigha hesse qoshisiler, allah buyrusa siler chong bolghanda urush we sürgün weqeliri bolmaydu."

Dunyaning oxshimighan jayliridin koja'élige kelgen ösmürlerni koja'éli xelqidin her bir a'ile ikkidin ösmür méhmanni qarshi élip, öyide sahibxaniliq qilghan bolup, koja'éli sheher bashliqi türklerning méhmandostluqini yene bir qétim körsetken xelq ammisigha teshekkür éytidighanliqini ipadilidi.

Kéyin koja'éli waliysi hesen besri güzel'oghli söz qilip, dunyaning töt etrapidin koja'élige kelgen ösmürlerning kelgüside tinchliq namida yéngi bir dunya qurup chiqidighanliqigha ishench qilidighanliqini ipadilidi we "Dunyada urush sewebidin azab-oqubetke muptila bolghan pütün ösmürlerge salam we söygü yollaymen" dédi.

Ösmür balilargha yétekchilik qilip pa'aliyetke qatnishiwatqan sherqiy türkistan ma'arip we hemkarliq jem'iyitining ayallar bölümi bashliqi munewwer özUyghur xanimning bildürüshiche, 20-aprél künidiki pa'aliyette Uyghur ösmürler shé'ir oqudi. Xoja'éli sheher bashliqi ibrahim qara'osman ughlu we koja'éli waliysi hesen besri güzel oghli ependige Uyghur milliy kiyimliridin doppa we ton kiydürülüp, Uyghur ösmürlerni bu pa'aliyetke dewet qilghanliqigha teshekkür bildürüldi, sherep taxtisi teqdim qilindi.

Bu pa'aliyet 9 yildin biri koja'élide her yili bir qétim ötküzüp kéliniwatqan bolup, dunyaning her qaysi jayliridiki balilargha öz-ara uchrishish we tonushush pursiti yaritip bérish we ular arisidiki méhri-muhebbet we söygüni kücheytip, tinch bolghan dunyaning güzellikini hés qildurush meqsitide ötküzüp kélinmekte iken.

Bu pa'aliyette Uyghur ösmürlerge yétekchilik qiliwatqan munewwer xanimning bildürüshiche, Uyghur perzentliri 23-aprél küni, xoja'éli sheher bashliqi we waliysi qatarliq muhim shexsler we koja'éli xelqi qatnishidighan chong murasimda shé'ir uqup Uyghur sama ussuli körsitidiken, bu jeryanida Uyghur ösmürler milliy medeniyetni tonushturup her xil pa'aliyet élip baridiken.

Toluq bet