Yaponiyening chiba shehiride Uyghur medeniyiti we tarixiy toghrisida doklat sözlendi

Ixtiyariy muxbirimiz haji qutluq qadiri
2016.09.30
turmemet-hashim-uyghur-doklat.JPG Doktor turmuhemet hashim Uyghur mesilisi toghrisida doklat bermekte. 2013-Yili 15-séntebir, yaponiye.
RFA/Qutluq


29 - Séntebir yaponiyening chiba shehiridiki medeniyet merkizi zalida Uyghur medeniyiti we tarixiy toghrisida mexsus doklat sözlesh pa'aliyiti élip bérilghan.

Uyghur medeniyiti we tarixiy toghrisida doklat sözlesh pa'aliyiti chiba sheherlik medeniyet merkizining zalida élip bérilghan bolup, doklat chüshtin kéyin sa'et ikki yérimdin töt yérimgha qeder ikki sa'et dawam qilghan.Doklatqa her sahe kishiliridin köpligen kishiler qatnashqan.

Yaponiye Uyghur birliki teshkilatidin igilishimizche, chiba sheherlik “N p o munbiri uyushmisi”ning orunlashturushi mezkur uyushma ezalirigha Uyghur medeniyiti we tarixiy toghrisida doklat sözlesh pa'aliyiti élip bérilghan bolup, pa'aliyetke yaponiye Uyghur birliki teshkilatining re'isi turmuhemmet hashim alahide teklip bilen qatniship doklat bergen.

Ziyaritimizni qobul qilghan turmuhemmet hashimning bildürüshiche, u doklatining birinchi bölikide aldi bilen xitay kompartiyisining hakimiyet tüzülmisi bilen yapon dölitining hakimiyet qurulmisini sélishturush arqiliq bir partiyilik xitay dölitide Uyghur, tibetlerning zulumgha uchrawatqanliqini ilgiri sürgen.

Turmuhemmet hashimning éytishiche, u doklatining ikkinchi bölikide Uyghurlarning budda medeniyiti toghrisida toxtalghan. Doklatning üchinchi bölikide bolsa Uyghurlarning qaraxanilar dewridiki medeniyiti toghrisida toxtalghan.

Turmuhemmet hashim doklatning tötinchi bölikide Uyghurlarning yéqinqi zaman tarixiy toghrisida toxtilish arqiliq Uyghur xelqining erkinlik we hörlükke bolghan intilishini bildürgen.

Doklat sözlesh pa'aliyitini uyushturghan chiba sheherlik npo foram uyushmisining re'isi ushiyama ependim doklat heqqide toxtilip:“Biz doklattin xitay dölitini we Uyghurlarning medeniyitini chüshünish bilen birge xitay komartiyisining tibet we Uyghur rayonlirida élip bériwatqan siyasetliri we bu rayonlardiki omumiy weziyet heqqidimu belgilik melumatlargha ige bolduq”dédi.

Doklat ishtirakchiliridin ishi epedim ziyaritimizni qobul qilip:“Doklat nahayiti yaxshi élip bérildi. Bolupmu, doklatqa qatnashqan kishiler so'al qoyush arqiliq xitay kompartiyesining bezi bir siyasetliridiki bizge chüshüniksiz bolghan tereplirini aydinglashturwaldi.Uyghur tarixiy we medeniyiti toghrisida köp bilimlerge ige bolduq”dédi.

Melum bolushiche, chiba shehiridiki“N p o munbiri uyushmisi”yaponiye tashqi ishlar ministirliqining meslihetchisi ilgiri 40 neche yil birleshken döletler teshkilatida xizmet qilghan ushiyama ependim teripidin qurulghan bolup, uyushmining asasliq ezaliri sabiq yaponiye diplomatliri,karaxanichilar we tetqiqatchilardin terkip tapqan iken.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.