Amérika dölet mejlisi ezaliri olimpikning échilish murasimini bayqut qilishni telep qildi

 Amérika dölet mejlisining jumhuriyetchi awam palata ezasi frank wolf," amérikining hökümet organliri, edliye tarmaqliri we qanun chiqirish organliridin héchkim olimpik musabiqisining échilish murasimigha qatnashmasliqi kérek " dep körsetti. Frank wolf xitay da'irilirining 200 ge yéqin shimaliy koriyilik musapirni yurtigha qayturush pilanini eyiblidi.

Démokratik kéngesh palata ezasi robért menéndéz, xitayning kishilik hoquq xatirisidiki "shermendilikler" tüpeylidin prézidént bushning olimpik murasimini bayqut qilishini telep qildi. Amérika prézidént ishxanisi aqsaray prézidént bushning olimpik yighinigha qatnishish pilanida özgirish bolmighanliqini, lékin bushning échilish murasimigha qatnishamdu yaki tenterbiye musabiqisini körgili baramdu ? dégen bu mesilide bir qarargha kelmigenlikini bildürmekte.

Prézidént bush özining béyjinggha barsa xitay rehberlirini dalay lama bilen körüshüshke ündeydighanliqini tekitligen idi. U, peyshenbe küni xitay da'irilirini dalay lama bilen söhbet ötküzüshke, lékin söhbet tibet xelqining endishilirini mezmun qilghan heqiqiy menidiki söhbet bolushi kéreklikini eskertti.