Клинтон ханим өзиниң сайлам паалийитини ахирлаштурди

Америка президенти болуш үчүн бир қанчә айлардин буян сайлам елип берип, риқабәтчиси барак обамадин йеңилгән демократик партийиниң президент намзити, сабиқ америка президенти бил клинтонниң рәпиқиси һилларий клинтон ханим шәнбә күни нутуқ сөзләп, өзиниң президент сайлими паалийитини рәсмий ахирлаштурғанлиқини җакарлиди.
Мухбиримиз үмидвар хәвири
2008.06.08

  Һилларий клинтон ханим шуниң билән биргә, барлиқ қоллиғучилирини демократик партийидин келип чиққан президент намзити барак обамани қоллап, униң бу қетим америка президенти болушини қолға кәлтүрүшигә ярдәм беришкә чақирди.

" Һазир биз мәқсәтлиримиз үчүн күрәш қилиш усулимизни давамлаштуруп, күч қуввитимиз, қизғинлиқимиз вә қабилийитимиз арқилиқ зор тиришчанлиқимиз билән обаманиң келәр қетимқи америка президенти болушиға ярдәм беришимиз лазим" дәйду һилларий ханим хошлишиш нуқтида. У, обаманиң еришкән ғәлибисини тәбрикләш билән өзини қоллиғанларға рәһмәт ейтти.

Һилларий ханим нутқи җәрянида 14 қетим обаманиң исмини атап өткән болуп, униң демократик партийиниң президент намзати барак обамаға бәргән юқири баһалири шуниңдәк униң обаманиң президент сайлимида җумһурийәтчиләр партийисиниң намзити җон маккейинни йеңип, 11 - айдики сайламда ғәлибә қазиниш билән америка тарихидики йеңи президент болуп қелиши үчүн тиләкдаш икәнлики һәм уни қоллайдиғанлиқини билдүрүши демократик партийә әзалириниң қизғин қарши елишиға еришкән.

Һилларий, бир қисим өз қоллиғучилири билән қучақлишип, хошлашқанда қоллиғучилири көз йеши қилишқан. Һилларий америка тарихидики тунҗи айла президент намзити болуп һесаблиниду.
Мунасивәтлик хәвәрләр
Дуня хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.