Amérika xelq'ara diniy erkinlik komitéti xitayning tibet we Uyghur ilidiki diniy siyasitini tenqid qildi

 Doklatta, da'irilerning térrorchiliqqa qarshi turushni musulmanlarning tinch diniy pa'aliyetlirini basturushning bahanisi qiliwalghanliqi, 2007 ‏- yili jeryanida Uyghur diniy zatlar we taliplarning " qanunsiz diniy pa'aliyetler" de boldi, dégen namlar bilen tutqun qilin'ghanliqi, diniy mekteplerning taqalghanliqi, diniy eserlerning musadire qilin'ghanliqi, imamlarning siyasi öginishke qatnashturulghanliqi, yash - ösmürlerning diniy ibadet bilen shughullinishi pütünley cheklen'genliki bildürüldi.

Doklatta mezkur komitét, bush hökümitige Uyghur we tibetlerning diniy weziyitini yaxshilash toghrisida bezi tewsiyilerde boldi. Bu tewsiyiler amérika tibet bilen Uyghur élide konsulxana échip, bu jaylarning diniy erkinlik we kishilik hoquq weziyitini nazaret qilish, Uyghur we tibetlik diniy zatlarning amérikigha kélip öginishige qolayliqlarni yaritish, Uyghur we tibet tilidiki radi'o anglitishini kücheytish qatarliqlarni öz ichige alidu.

Amérika xelq'ara diniy erkinlik komitéti dölet mejlisining 1998 ‏- yili maqullighan diniy erkinlik qanunigha asasen qurulghan organ bolup, mezkur komitét 2000 ‏- yildin béri her yili 5 ‏- ayda her qaysi döletlerning diniy erkinlik ehwali toghrisida doklat élan qilip kelmekte. Diniy erkinlik komitéti bu yilqi doklatida xitayni yene diniy erkinlik weziyiti endishe qilinidighan döletler tizimlikige kirgüzgen.