Amérika, béyjing olimpikidin razi bolmighanliqini bildürdi

Aq sarayning bu heqtiki bayanatida yene, béyjingda namayishchilar üchün ayrilghan baghchida héchqandaq namayishqa yol qoyulmighanliqi, 77 parche namayish iltimasining ret qilin'ghanliqi, birqisim iltimas qilghuchilarning tutqun qilin'ghanliqi, "erkin tibet" dep yézilghan lozunkilarning yighiwélin'ghanliqi qatarliq weqelerni bir ochuq jem'iyetning ipadiliri emes dep körsitildi.

Amérikining xitaydiki bash elchisi klark t. Rand yekshenbe küni bayanat élan qilip, " biz xitayning olimpik ata qilghan pursetni toghra qollanmighanliqi üchün narazimiz" deydu. U sözide yene xitayni, olimpiktin kéyin xitaydiki barliq xelqlerning, diniy erkinlik we pikir erkinliki qatarliq insani heqlirige hörmet qilishqa tekrar chaqirdi.

Xelq'ara olimpik komitétining yekshenbe künidiki axbarat élan qilish yighinida, komitét bashlighi rogiy söz qilip, olimpikning xitayning dunyagha échilishigha paydisi bolghanliqini bildürdi؛ u bu sözliri bilen birlikte yene xitayning olimpik mezgilde héchqandaq bir namayishqa yol qoymighanliqigha ejeplen'genlikini bildürdi.