Amérika qatarliq döletlerning zimbabwéni jazalash pikri xitayning qarshiliqigha uchridi

 Birleshme agéntliqida bu heqte bérilgen xewerde körsitilishiche, xitayda ziyarette bolghan amérika tashqi ishlar ministiri kondaliza rays xitay tashqi ishlar ministiri yang jyéchi bilen élip bérilghan söhbet jeryanida zimbabwé saylam mesilisini otturigha qoyghan bolsimu, emma yang jyéchi hazir zimbabwédiki weziyetni muqimlashturush üchün terepler arisida söhbet ötküzüshni birqeder muwapiq dep qaraydighanliqini bildürgen.

Shenbe küni amérika prézidénti bush, mugabéning hökümitini "qanunsiz hökümet" dep atap, amérikining öz ittipaqdashliri bilen birlikte zimbabwége téximu éghir jaza qollinish üstide tirishiwatqanliqini bildürgen hemde u yene, birleshken döletler teshkilati bixeterlik kéngishidin zimbabwége qoral ‏ - yaraq émbargosi qoyush we zimbabwé rehberlirining bashqa döletlerge seper qilish hoquqini cheklesh qatarliqlarni öz ichige jaza qollinishni telep qilghan idi.

Zimbabwéde élip bérilghan prézidént saylimida, zimbabwédiki asasliq öktichi partiye rehbiri morgan tswangira'i saylam hoquqidin waz kéchishke mejburlan'ghandin kéyin, zimbabwéde 1980 - yilidin buyan hoquq tutuwatqan mugabé saylamda ghelibe qilghanliqini élan qilghan we yekshenbe küni prézidéntliq hoquqini tapshuruwalghan bolup, bu mugabéning zimbabwége 6 - qétim prézidént bolushi bolup hésablinidu.