Aqsaray xitayning tibette namayish qilghan kishilerni jazalighanliqigha epsuslinidu

Aqsarayning bayanatchisi dana péri'o bügün bayanat élan qilip, tibette namayish qilghan 30 kishige xitay hökümitining qamaq jazasi höküm qilghanliqigha amérika epsuslinidu, dédi.
Muxbirimiz weli xewiri
2008.04.30

 Fransiye agéntliqining bayan qilishiche, aqsarayning bayanatchisi bügün yene 'xitayda her qandaq adem xelqning pikir bayan qilish we toplinish erkinliki heqqide belgilen'gen qanunni buzmasliqi kérek' dep tekitlidi we xitay hökümitini özining wedisige emel qilip dalay lamaning wekilliri bilen derhal söhbetlishishke righbetlendürdi.

Tünügün 4 ‏ - ayning 29 ‏ - küni xitayning shinxu'a agéntliqi élan qilghan bir xewerde, ötken ayda tibette qalaymiqanchiliq chiqarghan 30 kishining xitay hökümiti teripidin türmige élin'ghanliqini, emdi bulargha ochuq sotta jaza höküm qilin'ghanliqini bayan qilghan idi.

Asiya kishilik hoquq közitish teshkilatining bashliqi sofi richartsonmu ' xitay hökümiti gunahkar bilen gunahsizni ayrishta adil bolushi kérek, eyiblen'güchilerni adwokatsiz qaldurup mexpiy sotta sotlap jaza höküm qilmasliqi kérek' dep körsetti.

Xewerde éytilishiche, tibetning lxasa shehiride 3 ‏ - ayning 10 ‏ - küni dini zatlar toplinip 1959 ‏ - yilidiki tibet qozghilingini xatiriligen idi. Bu namayish xitay hökümiti teripidin basturulghandin kéyinmu tibet yenila tinjimidi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.