B d t "basqunchiliq" ni urush mezgilidiki basturush qorali, dep tonudi

B d t ning xewpsizlik kéngishi peyshenbe küni birdek qarar maqullap, "basqunchiliq" ni urush mezgilidiki basturush qorallirining bir qisimi, dep teriplidi shundaqla bu qoralni xelq'ara bixeterlikke tehdit salidighan amillarning biri, dep körsetti.
Muxbirimiz erkin xewiri
2008-06-20
Share

 Igilishimizge qarighanda xitay, rusiye, hindonéziye we wéytnamlar mezkur layihining xewpsizlik kéngishide muzakire qilinishini bek toghra tapmay öz pikride qalghan, lékin amérikining qollishidiki mezkur layihe awazgha qoyulghanda kéngeshtiki 15 döletning hemmisi qollap bilet tashlighan.

B d t bash katipi ban kimun, ayallargha qaritilghan zorawanliqning toqunushtin kéyin eslige kélish basquchida turuwatqan döletlerde "ipadiligüsiz derijide " éghir ikenlikini bildürdi. B d t ning kéler ay élan qilidighan tekshürüsh doklati basqunchiliq mesilisige béghishlan'ghan bolup, doklatta basqunchiliqqa qandaq taqabil turush mesilisi otturigha qoyilidu. Kishilik hoquqi teshkilatliri xewpsizlik kéngishining mezkur qararini tarixiy ehmiyetke ige, dep qarimaqta.

Qarar layihiside mundaq deydu," jinsiy zorawanliq urush jeryanidiki bir taktika. Uning meqsiti qarshi terepning rohini sundurush, boysundurush, qorqutush, qachurush, melum bir étnik guruppa yaki milliy qewmni bashqa jaygha köchüshke mejburlashtur". Ban kimun, " ayallar we qizlargha qaritilghan bu 'sadasiz urush'qa qandaq taqabil turushta döletlerning küch chiqirishigha toghra kélidu " dep körsetti.

B d t qarar layihiside yene, jinsiy zorawanliqning " qoralliq toqunushni kücheytipla qalmay, xelq'ara bixeterlik we tinchliqning eslige kélishige tosalghu bolidighanliqi" ni tekitligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet