ب د ت دا كىشىلىك ھوقۇق كومىتېتىنىڭ 15 ئەزاسىنى سايلاپ چىقىش بۇيىچە جىددىي مۇنازىرە باشلاندى

 خەۋەردە ئېيتىلىشىچە، يىغىندا بۈگۈن، ئەركىنلىكنى پۈتۈن دۇنيادا ئەمەلگە ئاشۇرۇشنى تەشەببۇس قىلىدىغان، ئورگىنى نيۇيوركتىكى ئەركىنلىك ئۆيى، پۈتۈن دۇنيادىكى بالىلار مەسىلىسىنى كۆزىتىدىغان، ئورگىنى جەنۋەدىكى كۆزىتىش تەشكىلاتى ئۆزلىرىنىڭ نىزامنامىسىغا ئاساسەن، 20 دۆلەتنىڭ كىشىلىك ھوقۇق خاتىرىسى ھەققىدىكى باھاسىنى ئوتتۇرىغا قويغان.

يىغىندا كىشىلىك ھوقۇق خاتىرىسى ناچار بولغان پاكىستان، سىرى لانكا، بەھرەين، گابون، زىمبابۇۋىدىن ئىبارەت بەش دۆلەت ھۇجۇمغا ئۇچرىغان. برازىلىيە، شەرقىي تېمور، بۇركىنا فاسو قاتارلىق ئۈچ دۆلەتنىڭ كىشىلىك ھوقۇق خاتىرىسىگە سۇئال قويۇلغان. گانا، ياپونىيە، جەنۇبىي كورىيە، چېخ، سېربىيە، سلوۋاكىيە، ئوكرائىنا، ئارگېنتىنا، چىلى، فرانسىيە، ئىسپانىيە ۋە ئەنگىلىيىلەرگە 'لاياقەتلىك' دەپ باھا بېرىلگەن.

خەۋەردە ئېيتىلىشىچە يەنە، ب د ت دا بۇنداق بىر كومىتېتىنىڭ قۇرۇلۇشىغا قارىتا ئامېرىكا يالغۇز قارشى ئاۋاز بەرگەن. ئىسلام دۆلەتلىرى بولسا، بۇ كومىتېت ئىچىدە ئىسرائىلىيىگە ۋە ئۇنىڭ ئىتتىپاقداشلىرىغا قارشى تۇرىدىغان بىر گۇرۇپپا شەكىللەندۈرۈشكە تىرىشقان.