پرېزىدېنت بۇش : ئامېرىكا تەنھەرىكەتچىلىرى ئەركىنلىك ئەلچىلىرى

بۈگۈن ئامېرىكا پرېزىدېنتى جورج بۇش ئاقسارايدىكى ئەتىرگۈل باغچىسىدا بېيجىڭدا ئۆتكۈزۈلىدىغان 29 - نۆۋەتلىك ئولىمپىك يىغىنىغا مېڭىش ئالدىدا تۇرغان ئامېرىكا تەنھەرىكەتچىلىرىگە سۆز قىلدى ۋە ئۇلارنىڭ ئامېرىكىنىڭ ئەركىنلىك ئەلچىلىرى ئىكەنلىكىنى ئەسكەرتتى.
مۇخبىرىمىز جۈمە خەۋىرى
2008.07.21

 بۇش سۆزىدە چېمپىيون بولۇشنىڭ ئالاھىدە خاراكتېر تەلەپ قىلغاندىن باشقا يەنە، مەسئۇلىيەت تەلەپ قىلىدىغانلىقىنى بىلدۈردى ۋە مۇنداق دېدى: " بېيجىڭدا سىلەر دۆلىتىمىزنىڭ ئەڭ سۆيۈلگەن قىممەت قارىشىنى يەتكۈزۇسىلەر. ئەركىنلىك ئەلچىسى بولۇش سۈپىتىڭلار بىلەن، سىلەر ئامېرىكىنىڭ ئەركىنلىككە بولغان مۇھەببىتىنى ھەمدە بىزنىڭ كىشىلىك ھوقۇق ۋە ئىنسانىي قەدىر ‏ - قىممەتكە بولغان ھۆرمىتىمىزنى نامايان قىلىسىلەر. بېيجىڭدا سىلەر يەنە، دۆلىتىمىزنىڭ خاراكتېرىنى نامايان قىلىسىلەر. بۇلارنى سىلەر خىتاي خەلقى ۋە باشقا تەنھەرىكەتچىلەرگە يەتكۈزىسىلەر."

بۈگۈنكى يىغىلىشقا ئولىمپىككە قاتنىشىدىغان تەنھەرىكەتچىلەردىن باشقا، ئامېرىكا دۆلەت رەھبەرلىرىدىن تاشقى ئىشلار مىنىستىرى كوندالىزا رايس ۋە بىر قىسىم ھەربىي ئەمەلدارلار قاتناشقان.

پرېزىدېنت بۇش سۆز ئاخىرىدا، ئامېرىكا تەنھەرىكەتچىلىرىنى ئۆز رىقابەتچىلىرىگە ھۆرمەت كۆرسىتىش ئارقىلىق ئامېرىكىنىڭ دۇنياغا بولغان ھۆرمىتىنى كۆرسىتىشكە چاقىردى.

بۇ يىل بېيجىڭدا ئۆتكۈزۈلىدىغان 29 - نۆۋەتلىك ئولىمپىك يىغىنىغا ئامېرىكا تەرەپتىن 600 نەپەر تەنھەرىكەتچى قاتنىشىدۇ.
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.