Prézidént bush béyjingda ibadet pa'aliyitige qatniship, xitayni diniy erkinliktin qorqmasliqqa chaqirdi

Amérika prézidénti jorj bush yekshenbe küni béyjingdiki bir protéstant chérkawining yekshenbilik ibadet pa'aliyitige qatniship, xitay da'irilirini diniy erkinliktin qorqmasliqqa chaqirdi.
Muxbirimiz erkin xewiri
2008.08.11
Share on WhatsApp
Share on WhatsApp

 Bush bu sözlerni yekshenbe küni béyjingdiki ku'anjyé chérkawining diniy ibadet pa'aliyitige qatnashqanda tekitligen bolup, bush ku'anjyé chérkawida xitay xristi'an balilarning yekshenbilik diniy xorini anglighan we balilar bilen xatire resimge chüshken idi. U mundaq deydu: "bu shuni körsitiduki, tengri bolmighan yer mewjut emes. Her qandaq dölet, her qandaq shexs ademgerchilikni ögitidighan dinning tesir küchidin qorqmasliqi kérek."

 Lékin shu küni xitay saqchilar ku'anjyé chérkawidiki ibadetke qatnashmaqchi bolghan béyjingdiki bir yer asti protéstant chérkawining mes'uli lyu xuychini pa'aliyetke qatnashturmay tutup ketken. Lyu xuychining a'ile tawabatidikiler, lyu xuychining ku'anjyé chérkawidiki yekshenbilik ibadet pa'aliyitige kétiwatqanda saqchilar teripidin tutup kétilgenlikini, uning hazirgha qeder qoyup bérilmigenlikini bildürgen.

Xewerlerge qarighanda, lyu xuychi ku'anjyé chérkawida chömüldürülgen bolup, u prézidént bush bilen uchriship qélish ümidini könglige püküp yekshenbilik ibadetni mezkur chérkawda ötküzmekchi bolghan iken. Bush ku'anjyé chérkawida ibadetke qatnashqan shu küni yene xitay dölet re'isi xu jintaw bilen körüshüp, kishilik hoquq we bashqa sezgür mesililer üstide söhbet ötküzgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.