بۇش يەنە، دالاينىڭ ھېچقاچان تىبەت مۈستەقىللىقىنى تەرغىپ قىلمىغانلىقىنى، ئەكسىچە تىبەتنىڭ مەدەنىيەت ئەنئەنىسىنى ساقلاپ قېلىش ئۈچۈن ھەرىكەت ئېلىپ بېرىۋاتقانلىقىنى تەكىتلىدى.
پرېزىدېنت بۇش، بېيجىڭنى دالاي لاما بىلەن دىئالوگ ئېلىپ بېرىشقا چاقىرىشتىن ئىلگىرى، خىتايدا زىيارەتتە بولۇۋاتقان ئاۋسترالىيە باش مىنىستىرى كەۋىن رۇدمۇ ئوخشاش تەشەببۈسنى ئوتتۇرىغا قويغان ئىدى.
باش مىنىستىر كەۋىن بېيجىڭ ئولىمپىك مۇراسىمىنى بايقۇت قىلىش پىكىرلىرىگە قوشۇلمايدىغانلىقىنى، بىراق خىتاينىڭ تىبەتتە ھەقىقەتەن كىشىلىك ھوقۇق دەپسەندىچىلىكى مەۋجۈت ئىكەنلىكىنى تونۇپ يېتىشى كېرەكلىكىنى تەكىتلىگەن.
خىتاينىڭ تىبەت خەلقىنى باستۇرۇش ھەرىكىتى، نۆۋەتتە دۇنيا جامائەتچىلىكى يېقىندىن كۆزىتىپ كېلىۋاتقان مۇھىم مەسىلىلەرنىڭ بىرىگە ئايلاندى.
