Prézidént bush dölet mejlisidiki démokratik partiye wekillirini néfit mesiliside tenqid qildi

Yéqinqi aylardin buyan néfit énérgiye bahasining téz sürette ösüp kétishi peqet amérika xaraktérliq bolup qalmastin belki dunyawi mesilige aylandi. Ahalilarning aptomobil ishlitish nisbiti eng yuqiri hésablinidighan amérikida may bahasining ösüp kétishi amérikiliqlarning iqtisadiy hayatigha jiddiy tesirlerni peyda qilmaqta.
Muxbirimiz ümidwar xewiri
2008.06.22

Prézidént bush dölet mejlisidin amérikining bezi déngiz boyliridiki néfitliklerni échish arqiliq énérgiye mesilisini hel qilishni otturigha qoyghan bolsimu, biraq dölet mejlisidiki démokratik partiyidin bolghan ezalarning qarshiliqigha uchrap, mezkur teklip mejlistin ötmigen idi.

Amérika awazining uchurigha qarighanda prézidént bush shenbe küni énérgiye mesilisi heqqide söz qilghanda, démokratik mejlis ezalirini tenqid qilish bilen birge yene bir qétim dölet mejlisidin déngiz boylirida néfitlik échish teshebbusini qobul qilishni hemde mejlisining amérikining bir qisim déngiz boyliridiki néfitlikni échishni cheklishini bikar qilishni otturigha qoyghan. Amérika dölet mejlisi 80 - yillarda bu cheklimini békitken.

Prézidént bush eger bu néfitlikni achqanda, amérikining énérgiye éhtiyajini yéniklitish mumkinlikini otturigha qoyghan. Biraq, démokratik wekiller prézidént bushning arqisida néfit sana'iti barliqi üchün bu teshebbusni otturigha qoyghanliq bilen tenqid qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.