Америка президенти җорҗ буш бейҗиң олимпики сәпирини башлиди

Америка президенти җорҗ буш 4 - авғуст, бейҗиң олимпики мунасивити билән бир қисим асия әллиригә қилған сәпири үчүн йолға чиқти. Мәлум болушичә, президент буш бу нөвәт хитайға барғанда хитайда кишилик һоқуқ мәсилисидә хитай тәрәпкә бесим ишлитидикән.
Мухбиримиз җүмә хәвири
2008.08.04
Share on WhatsApp
Share on WhatsApp

 Президент буш 5 - авғусттин 7 - авғустқичә җәнуби корейә вә тайландларда һөкүмәт зиярити елип барғандин кийин 8 - авғуст җүмә күни хитайниң пайтәхти бейҗиңға йетип келидикән.

Бирләшмә агентлиқиниң хәвәр қилишичә, президент буш бейҗиңда америкиниң бейҗиңда турушлуқ әлчиханисиниң муһим паалийәтлиригә қатнишидикән, хәлқара олимпик комитети рәиси рогий әпәнди билән учришидикән һәмдә бейҗиң олимпикиниң ечилиш мурасимиға қатнишидикән.

Хәвәрләргә қариғанда, президент буш, 10 - авғуст хитайдики диний етиқад әркинлики җәһәттә өз мәйданини ипадиләш үчүн, бейҗиңда черкавға баридикән вә мәзкур черкавниң попи билән учришидикән.

30 - Июл америка авам палатаси бир қарар мақуллап президент бушниң уйғур или вә тибәтләрдә зиярәттә болушини тәләп қилған иди. Һалбуки һазирчә президент бушниң уйғур или вә тибәтләрдә зиярәттә болидиғанлиқи һәққидә бирәр тәпсилий мәлумат йоқ.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.