Ақсарай: буш олимпик мурасимиға қатнишиши мумкин

Ақсарайниң баянатчиси дана пәрино пәйшәнбә күни ахбарат йиғинида мундақ дәйду " мән президентниң вақит җәдивилини елан қилалмаймән. Лекин у олимпик йиғиниға бариду шундақла мән йәнә бу сәпәр олимпик йиғининиң ечилиш мурасимиға қатнишишни өз ичигә алидиғанду, дәп ойлаймән".

Президент буш олимпик йиғининиң ечилиш мурасимиға қатнишишни байқут қилиш һәққидики чақириқларни рәт қилип кәлмәктә иди. Алдинқи күни америка дөләт мәҗлиси авам палатасиниң уйғур вә тибәт мәсилилиригә көңүл бөлүш билән тонулған әзалиридин франк волф билән кристофир симит бейҗиңда ахбарат елан қилип, президент бушниң олимпик йиғиниға қатнашмаслиқини тәләп қилған.

Дана пәрино, президент буш хитайниң далай ламаниң вәкиллири билән сөһбәт өткүзгәнликидин мәмнун болғанлиқи, лекин президентниң олимпик мурасимиға қатнишиши буниң билән мунасивәтлик әмәсликини әскәртти. Пәрино " у хитай сәпириниң алди билән шундақла әң муһими , бизниң тәнтәрбийичилиримизгә мәдәт бериш икәнликигә ишиниду. Униң үчүн бу сәпәр мусабиқини қоллаштур " дәп көрсәтти.

 Лекин пәрино, бушниң алдимиздики һәптә японийидә г - 8 ләр йиғиниға қатнишип, ху җинтав билән көрүшкәндә оттуриға қойидиған кишилик һоқуқ, диний әркинликкә даир бәзи муһим мәсилиләрни, олимпик мурасимиға қатнишишқа барғанда йәнә оттуриға қойидиғанлиқини билдүрди.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар