Aqsaray: bush olimpik murasimigha qatnishishi mumkin

Amérika prézidént ishxanisi aqsaray peyshenbe küni olimpik yighinining 8 ‏ - awghust künidiki échilish murasimini bayqut qilish heqqidiki chaqiriqlargha qarimay, bushning échilish murasimigha qatnishishi mumkinlikini bildürdi.
Muxbirimiz erkin xewiri
2008.07.03
Share on WhatsApp
Share on WhatsApp

Aqsarayning bayanatchisi dana perino peyshenbe küni axbarat yighinida mundaq deydu " men prézidéntning waqit jediwilini élan qilalmaymen. Lékin u olimpik yighinigha baridu shundaqla men yene bu seper olimpik yighinining échilish murasimigha qatnishishni öz ichige alidighandu, dep oylaymen".

Prézidént bush olimpik yighinining échilish murasimigha qatnishishni bayqut qilish heqqidiki chaqiriqlarni ret qilip kelmekte idi. Aldinqi küni amérika dölet mejlisi awam palatasining Uyghur we tibet mesililirige köngül bölüsh bilen tonulghan ezaliridin frank wolf bilen kristofir simit béyjingda axbarat élan qilip, prézidént bushning olimpik yighinigha qatnashmasliqini telep qilghan.

Dana perino, prézidént bush xitayning dalay lamaning wekilliri bilen söhbet ötküzgenlikidin memnun bolghanliqi, lékin prézidéntning olimpik murasimigha qatnishishi buning bilen munasiwetlik emeslikini eskertti. Perino " u xitay sepirining aldi bilen shundaqla eng muhimi , bizning tenterbiyichilirimizge medet bérish ikenlikige ishinidu. Uning üchün bu seper musabiqini qollashtur " dep körsetti.

 Lékin perino, bushning aldimizdiki hepte yaponiyide g - 8 ler yighinigha qatniship, xu jintaw bilen körüshkende otturigha qoyidighan kishilik hoquq, diniy erkinlikke da'ir bezi muhim mesililerni, olimpik murasimigha qatnishishqa barghanda yene otturigha qoyidighanliqini bildürdi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.