Prézidént bush xitaydin mesililerni zorawanliq küch qollanmay hel qilishqa chaqirdi

 Bush xitayning shimaliy koriye we iran yadro mesiliside amérika bilen hemkarlashqanliqini maxtidi. Lékin xitayning olimpik bixeterlikini bahane qilip, öktichilerni basturghanliqi heqqidiki bir so'algha udulla jawab bermey, xitayning yoshurun térrorluq hujumlar mesiliside heddidin ziyade jiddiyliship ketkenlikini bildürdi.

U mundaq deydu": men ularning bixeterlikke kapaletlik qilipla qalmay, olimpik rohinimu gewdilendürüshini ümid qilimen shundaqla ighwagerchilik weqesi yüz berse, ularning buni zorawanliq küch ishletmey, mes'uliyetchanliq bilen bir terep qilishini ümid qilimen."

Prézidént bush bu sözlerni qilghan shu küni etigende Uyghur élining qeshqer shehiridiki semen yolida abduraxman azat we qurbanjan hémit isimlik 2 Uyghur yash, qeshqerde etigenlik meshqqe chiqqan xitay zhandarmilirigha hujum qilip, 16 eskerni öltürgen, 16 sini yarilandurghan idi.

Chet'eldiki dunya Uyghur qurultiyi, amérika Uyghur jem'iyitige oxshash xelq'ara teshkilatlar zorawanliqni eyibligen, lékin xitay da'irilirini bu weqeni bahane qilip, Uyghurlardin ilgiriligen halda öch almasliqqa, xelq'ara jem'iyetni buninggha diqqet qilishqa chaqirghan idi.