Чегрисиз мухбирлар тәшкилати хитайни қаттиқ тәнқид қилди

Мәркизи франсийидики чегрисиз мухбирлар тәшкилати җүмә күни бир баянат елан қилип, бейҗиң олимпик тәнһәрикәт йиғинини хитайда пикир вә сөз әркинлики җәһәттин пүтүнләй бир паҗиә дәп көрсәтти.
Мухбиримиз өмәр қанат хәвири
2008-08-23
Share

 Баянатта тәкитлинишичә, хитай һөкүмити, олимпик җәрянида кишилик һоқуқ тәшкилатлири, тибәт паалийәтчилири вә бәзи чәтәл мухбирлириниң паалийәтлиригә қаттиқ чәклимә қойған.

Чегрисиз мухбирлар тәшкилатиниң баянатчиси бенойит һәрвйй шәнбә күни парижда мухбирларға бәргән баянатида, олимпик тәнһәрикәт йиғини җәрянида кишилик һоқуқниң хитайдики вәзийитидә һечқандақ илгириләш болмиғанлиқини тәкитләп, " бейҗиң олимпик тәнһәрикәт йиғининиң хитайда кишилик һоқуқниң тәрәққиятиға һәссә қошқанлиқиға аит һечқандақ бишарәт мәвҗут әмәс" деди.

Униң билдүрүшичә, бейҗиң олимпик тәнһәрикәт йиғини җәрянида, 47 тибәтлик паалийәтчи хитай сақчилири тәрипидин тутулған, аз дегәндә 50 кишилик һоқуқ паалийәтчиси нәзәрбәнт қилинған яки һөкүмәтниң түрлүк бесимлири нәтиҗисидә бейҗиңдин кетишкә мәҗбур болған.

Чегрисиз мухбирлар тәшкилати баянатчисиниң ейтишичә, бейҗиң олимпик тәнһәрикәт йиғини җәрянида чәтәллик мухбирларға қаритилған муамилә, бейҗиң олимпикиниң аччиқ бир хатириси болуп қалидикән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт