Chégrisiz muxbirlar teshkilati xitayni qattiq tenqid qildi

Merkizi fransiyidiki chégrisiz muxbirlar teshkilati jüme küni bir bayanat élan qilip, béyjing olimpik tenheriket yighinini xitayda pikir we söz erkinliki jehettin pütünley bir paji'e dep körsetti.
Muxbirimiz ömer qanat xewiri
2008-08-23
Share

 Bayanatta tekitlinishiche, xitay hökümiti, olimpik jeryanida kishilik hoquq teshkilatliri, tibet pa'aliyetchiliri we bezi chet'el muxbirlirining pa'aliyetlirige qattiq cheklime qoyghan.

Chégrisiz muxbirlar teshkilatining bayanatchisi bénoyit herwyy shenbe küni parizhda muxbirlargha bergen bayanatida, olimpik tenheriket yighini jeryanida kishilik hoquqning xitaydiki weziyitide héchqandaq ilgirilesh bolmighanliqini tekitlep, " béyjing olimpik tenheriket yighinining xitayda kishilik hoquqning tereqqiyatigha hesse qoshqanliqigha a'it héchqandaq bisharet mewjut emes" dédi.

Uning bildürüshiche, béyjing olimpik tenheriket yighini jeryanida, 47 tibetlik pa'aliyetchi xitay saqchiliri teripidin tutulghan, az dégende 50 kishilik hoquq pa'aliyetchisi nezerbent qilin'ghan yaki hökümetning türlük bésimliri netijiside béyjingdin kétishke mejbur bolghan.

Chégrisiz muxbirlar teshkilati bayanatchisining éytishiche, béyjing olimpik tenheriket yighini jeryanida chet'ellik muxbirlargha qaritilghan mu'amile, béyjing olimpikining achchiq bir xatirisi bolup qalidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet