Америка - чех имзалиған башқурулидиған бомбиға қарши радар системиси келишимигә русийә җиддий инкас қайтурди

Америкиниң ташқи ишлар министири кондализа райс түнүгүн чех респобликиси парламенти билән чех земинида башқурулидиған бомбиға қарши радар системиси қурушқа келишкән иди.
Мухбиримиз вәли хәвири
2008.07.09

 Франсийә агентлиқиниң баян қилишичә, русийә буниңға инкас қайтуруп 'әгәр америкиниң башқурулидиған бомбиға қарши мудапиә системиси русийиниң чегрисиға бундақ йеқин җайда орунлаштурулса, русийә буниңға депломатийә шәкли билән әмәс, бәлки һәрбий инкас қайтуриду' дәп тәһдит салған.

Хәвәрдә ейтилишичә, америка полшада, полшаниң һәрбий күчини ашурушиға ярдәм бериш шәрти билән, дүшмәнниң башқурулидиған бомбилирини тосуш үчүн 10 данә ракета системиси қурған иди.

Америка бу системини қурушта 'лүкчәк дөләтләргә тақабил туруш үчүн' дегән ибарини қолланған иди. Америка бу қетим чехта орунлаштурмақчи болған радар системисиму буниңға мунасивәтлик болуши мумкин.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.