Amérika - chéx imzalighan bashqurulidighan bombigha qarshi radar sistémisi kélishimige rusiye jiddiy inkas qayturdi
Amérikining tashqi ishlar ministiri kondaliza rays tünügün chéx réspoblikisi parlaménti bilen chéx zéminida bashqurulidighan bombigha qarshi radar sistémisi qurushqa kélishken idi.
-
Muxbirimiz weli xewiri
2008-07-09 -
-
-
Fransiye agéntliqining bayan qilishiche, rusiye buninggha inkas qayturup 'eger amérikining bashqurulidighan bombigha qarshi mudapi'e sistémisi rusiyining chégrisigha bundaq yéqin jayda orunlashturulsa, rusiye buninggha déplomatiye shekli bilen emes, belki herbiy inkas qayturidu' dep tehdit salghan.
Xewerde éytilishiche, amérika polshada, polshaning herbiy küchini ashurushigha yardem bérish sherti bilen, düshmenning bashqurulidighan bombilirini tosush üchün 10 dane rakéta sistémisi qurghan idi.
Amérika bu sistémini qurushta 'lükchek döletlerge taqabil turush üchün' dégen ibarini qollan'ghan idi. Amérika bu qétim chéxta orunlashturmaqchi bolghan radar sistémisimu buninggha munasiwetlik bolushi mumkin.