Әйдиз вируси елип йүргүчиләрниң саяһәт қилиши һәққидики чәклимә америкида бикар қилиниши мумкин

Әгәр америка кеңәш палатаси оттуриға қойған 'африқида вә башқа дөләтләрдә әйдизгә қарши көрәш қилиш қанун лайиһиси' мақулланса, буниңдин кейин, америкида бир нәччә он йилдин буян иҗра қилиниватқан әйдиз вируси елип йүргүчиләрниң саяһәт қилиши яки көчмән болуп келишини чәкләйдиған қанун бикар қилиниши мумкин.
Мухбиримиз вәли хәвири
2008.07.16

 Бирләшмә агентлиқиниң баян қилишичә, буниңдин бурун судан, сәуди әрәбистани, ливийә, русийә вә америкиларда, актип һаләттики әйдиз вирусини елип йүргүчи кишиләрниң саяһәт қилиш яки көчмән болуп келиши чәкләнгән иди. Хитайму америкида бундақ чәклимини бикар қилишни паал тәшәббус қилип келиватқан дөләт мәҗлиси әзалирини әйдизгә тиз пүкти дәп мазақ қилған иди.

Һазир америкида бу чәклимини бикар қилиш һәққидә болуватқан музакиридә, асасән әйдиз бимарлири вә әйдиз вируси елип йүргүчиләр саяһәт қилса яки көчсә, өзиниң кесәллик әһвалини йошурушқа мәҗбур болуп, башқа кишиләр үчүн техиму чоң юшурун хәтәр болуп қеливатқан әмәлий әһвал нәзәрдә тутулған.

Шундақла, буниңдин кейин, әгәр улар кесәллик әһвалини йошурмиса вә өзиниң җәмийәткә тайинивалмай давалиниш шәрти болса, уларниң саяһәт қилиши яки көчмән болуп келиши чәкләнмәслики керәк дегән шәртләрни оттуриға қоюш тәкитләнмәктә.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.