Gruziye mu'awin tashqi ishlar ministiri rusiye qoshunlirining téxi chékinmigenlikini bildürdi

Rusiye tinchliq kélishimge asasen gruziyidin esker chékindüridighanliqini bildürgen bolsimu, lékin gruziye hökümet xadimliri rusiye qisimlirining téxiche chékinishni bashlimighanliqini bildürüshmekte.
Muxbirimiz jüme xewiri
2008-08-18
Share

 Blumbérg torida xewer qilinishiche, gruziye mu'awin tashqi ishlar ministiri giga bokeri'a rusiye qoshunlirining téxiche gori shehirini bésip yétiwatqanliqini bildürgen we rusiye eskerlirining gori shehridin chékinmesliki, rusiyining gruziyini muqimsizlashturush qestining ipadisi ikenlikini hemde buning qoshna dölet erminiyigimu tesir körsitiwatqanliqini bildürgen.

Shenbe küni rusiye prézidénti démitiri médwédéiw tinchliq kélishimge imza qoyghan bolup, kélishimde rusiye qoshunlirining bésiwalghan gruziye rayonliridin düshenbe küni chékinishke bashlaydighanliqi körsitilgen.

Halbuki rusiye we xitay axbaratliri gruziye paytexti tbilisige 35 kilométir qalghuche bésip kirgen rusiye qisimlirining chékinishke bashlighanliqini xewer qilishmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet