Rusiye parlaménti abxaziye we jenubi ossétiyining musteqilliqini tonuydighanliqini jakarlidi
Muxbirimiz shöhret hoshur xewiri
2008.08.25
2008.08.25
Parlamént bayanatchiliridin boris gryzlow yighinda söz qilip, rusiyining kawkaziye tinchliqidiki tarixiy kapaletchilik roli téximu küchiyiwatidu" dégen. U yene " kawkaziye tarixtin buyan rusiyining istratégiyilik menpe'et chégrisi ichide bolup kelgen, bundin kéyinmu shundaq dawamlishidu" dégen.
Rusiye parlaméntning bu qararigha amérika we yawropa birliki derhal inkas qayturdi. Aq saray alaqidar bayanatida, rusiyining jenubi assétiye bilen abxaziyining musteqilliqini tonushini qobul qilghini bolmaydighanliqini bildürdi. Bayanatta yene" rusiye gruziyining zémin pütünlükige hörmet qilish kérek dep eskertildi.
Yawropa birliki bayanatida, jenubiy assétiye bilen abxaziye gruziyining bir parchisidur" dep bildürüldi. Gérmaniye bash ministiri an'géla mérkél bayanatida, "mezkur ikki rayonning musteqilliqini tonush, rayonning xeterlik weziyitini téximu yamanlashturuwétidu" dep agahlandurdi.
Aq saray ötken hepte, amérika mu'awin prézidénti dik chénéyning kéler hepte gruziye, ukra'iniye we ezerbeyjanni ziyaret qilidighanliqini élan qilghan idi. Közetküchiler rusiye parlaméntining mezkur qararini dik chénéyning kawkaziye ziyaritige qarita naraziliq xitabi dep qarimaqta.