Шаңри - ла сөһбитиниң 7 ‏ - нөвәтлик йиллиқ йиғини сингапорда өткүзүлди

Шаңри - ла сөһбити әнглийидики хәлқара истратегийә тәтқиқат орни тәрипидин уюштурилиду. Сөһбәттә асия - тенч окян райониниң бихәтәрлик мәсилилири музакирә қилиниду.
Мухбиримиз шөһрәт һошур хәвири
2008-06-02
Share

 Сөһбәткә районниң мәнпәәт тәвәликидики дөләтләрниң дөләт мудапиә министирлири вә һәрбий әмәлдарлири иштирак қилиду.
Бу йил 7 ‏ - қетимлиқи өткүзүлгән шаңри - ла сөһбитидә америкиниң асиядики һәрбий мәвҗудийити билән хитайниң һәрбий расходидики ениқсизлиқ муһим музакирә темиси болған.

Америка дөләт мудапиә министири роберт гатес, нөвәттики америка президент сайлиминиң нәтиҗиси қандақ болушидин қәтинәзәр, америкиниң асия - тенч окян сияситиниң өзгәрмәйдиғанлиқини, чүнки америкиниң асиядики мәнпәәтиниң буни тәләп қилидиғанлиқини билдүргән. Йиғинда хитай азадлиқ армийисиниң генерал летнати ма шявтйән сөз қилип, хитайниң һәрбий расхотиниң чәклик вә мувапиқ миқдарда икәнликини билдүргән; арқидин йәнә хитайниң һәрбий тәрәққиятиниң мудапиә мәқсәтлик икәнликини, униң һечбир дөләткә тәһдит шәкилләндүрмәйдиғанлиқини билдүргән.

Буниңға қарита японийә дөләт мудапиә министири Shigeru Ishiba инкас қайтуруп, мәқсәт немә болушидин қәтинәзәр, һәрбий тәрәққиятниң очуқ болуши керәкликини, ениқлиқ болғандила райондики өз ‏ - ара ишәнч болидиғанлиқини, өз ‏ - ара ишәнч болғандила бихәтәрликтин сөз ачқили болидиғанлиқини билдүргән. 

7 ‏ - Қетимлиқ шаңри - ла сөһбити 5 ‏ - айниң 30 ‏ - күнидин 6 ‏ - айниң 1 ‏ - күнигә қәдәр 3 күн давам қилған. Йиғинға америка, австралийә, японийә, хитай қатарлиқ 27 дөләт иштирак қилған. Асия - тенч окян районидики дост, дүшмән вә ағриниш ичидики дөләтләрни йилда бир қетим бир үстәлгә әкиливатқан бу йиғин тунҗи қетим 2002 ‏ - йили өткүзүлгән. Йиғин сингапордики саңри - ла меһманханисида ечилғини үчүн йиғинға шаңри - ла сөһбити дәп нам берилгән.

Бу қетимқи сөһбәттә йәнә, америка берма һәрбий һөкүмитиниң апәткә учриған хәлқини ташқи ярдәмдин мәһрум қалдурғанлиқини қаттиқ тәнқид қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт