Shangri - la söhbitining 7 ‏ - nöwetlik yilliq yighini sin'gaporda ötküzüldi

Shangri - la söhbiti en'gliyidiki xelq'ara istratégiye tetqiqat orni teripidin uyushturilidu. Söhbette asiya - ténch okyan rayonining bixeterlik mesililiri muzakire qilinidu.
Muxbirimiz shöhret hoshur xewiri
2008-06-02
Share

 Söhbetke rayonning menpe'et tewelikidiki döletlerning dölet mudapi'e ministirliri we herbiy emeldarliri ishtirak qilidu.
Bu yil 7 ‏ - qétimliqi ötküzülgen shangri - la söhbitide amérikining asiyadiki herbiy mewjudiyiti bilen xitayning herbiy rasxodidiki éniqsizliq muhim muzakire témisi bolghan.

Amérika dölet mudapi'e ministiri robért gatés, nöwettiki amérika prézidént saylimining netijisi qandaq bolushidin qet'inezer, amérikining asiya - ténch okyan siyasitining özgermeydighanliqini, chünki amérikining asiyadiki menpe'etining buni telep qilidighanliqini bildürgen. Yighinda xitay azadliq armiyisining général létnati ma shyawtyen söz qilip, xitayning herbiy rasxotining cheklik we muwapiq miqdarda ikenlikini bildürgen؛ arqidin yene xitayning herbiy tereqqiyatining mudapi'e meqsetlik ikenlikini, uning héchbir döletke tehdit shekillendürmeydighanliqini bildürgen.

Buninggha qarita yaponiye dölet mudapi'e ministiri Shigeru Ishiba inkas qayturup, meqset néme bolushidin qet'inezer, herbiy tereqqiyatning ochuq bolushi kéreklikini, éniqliq bolghandila rayondiki öz ‏ - ara ishench bolidighanliqini, öz ‏ - ara ishench bolghandila bixeterliktin söz achqili bolidighanliqini bildürgen. 

7 ‏ - Qétimliq shangri - la söhbiti 5 ‏ - ayning 30 ‏ - künidin 6 ‏ - ayning 1 ‏ - künige qeder 3 kün dawam qilghan. Yighin'gha amérika, awstraliye, yaponiye, xitay qatarliq 27 dölet ishtirak qilghan. Asiya - ténch okyan rayonidiki dost, düshmen we aghrinish ichidiki döletlerni yilda bir qétim bir üstelge ekiliwatqan bu yighin tunji qétim 2002 ‏ - yili ötküzülgen. Yighin sin'gapordiki sangri - la méhmanxanisida échilghini üchün yighin'gha shangri - la söhbiti dep nam bérilgen.

Bu qétimqi söhbette yene, amérika bérma herbiy hökümitining apetke uchrighan xelqini tashqi yardemdin mehrum qaldurghanliqini qattiq tenqid qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet