دۇنيادا كىشىلىك ھوقۇق ئەھۋالىنىڭ ناچارلىشىۋاتقانلىقى ھەققىدە دوكلات ئېلان قىلىندى

مەركىزى جەنۋەدىكى "كىشىلىك ھوقۇقنى قوغداش ۋە كۆزىتىش" تەشكىلاتى پەيشەنبە كۈنى دوكلات ئېلان قىلىپ، خىتاي، ئافرىقا ۋە شەرقىي ياۋروپادىكى بىر قىسىم دۆلەتلەرنىڭ، كىشىلىك ھوقۇق ھىمايىچىلىرىنى خالىغانچە تۇتۇپ، ئۇلار ئۈستىدىن ئادىل بولمىغان ھۆكۈم ئېلان قىلغانلىقىنى پاش قىلدى.
ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩ ﺧﻪﯞﯨﺮﻯ
2008-06-19
Share

 مەزكۈر تەشكىلاتنىڭ يۇقىرى دەرىجىلىك بىر خادىمى، ئامېرىكا 2001 ‏ - يىلى تېررورلۇق ھۇجۇمىغا ئۇچرىغاندىن بۇيان، دۇنيادا كىشىلىك ھوقۇق قوغدىغۇچىلىرىغا قارىتىلغان ھۇجۇملارنىڭ ھېسابسىز دەرىجىدە كۆپەيگەنلىكىنى تىلغا ئالدى. دوكلاتتا يەنە، خىتايدىكى ۋەزىيەتكە ئالاھىدە ئورۇن بېرىلگەن بولۇپ، بېيجىڭنىڭ ئولىمپىك مۇراسىمىنى باھانە قىلىپ، كىشىلىك ھوقۇق پائالىيەتچىلىرىگە قاتتىق زەربە بېرىۋاتقانلىقى تەكىتلەنگەن.

بۇنىڭدىن سىرت، دوكلاتتا بېلارۇسىيىنىڭ كىشىلىك ھوقۇق خاتىرىسىنىڭ ئىنتايىن ناچار ئىكەنلىكى بايان قىلىنىپ، ئۆتكەن بىر يىلدا ساقچىلارنىڭ زوراۋانلىق ھەرىكەتلىرىنىڭ كۈچەيگەنلىكى ۋە كىشىلىك ھوقۇق ھىمايىچىلىرىدىن 617 كىشىنىڭ قولغا ئېلىنغانلىقى ئاشكارىلاندى.

خىتاينىڭ كىشىلىك ھوقۇق قوغدىغۇچىلىرىغا قاتتىق زەربە بېرىۋاتقانلىقى پاش قىلىنىۋاتقان پەيتلەردە، 7 نەپەر خىتاي كىشىلىك ھوقۇق پائالىيەتچىسى، ئامېرىكا دېموكراتىك فوندىنىڭ يىللىق مۇكاپاتى بىلەن مۇكاپاتلاندى.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت