Дуняда кишилик һоқуқ әһвалиниң начарлишиватқанлиқи һәққидә доклат елан қилинди

Мәркизи җәнвәдики "кишилик һоқуқни қоғдаш вә көзитиш" тәшкилати пәйшәнбә күни доклат елан қилип, хитай, африқа вә шәрқий явропадики бир қисим дөләтләрниң, кишилик һоқуқ һимайичилирини халиғанчә тутуп, улар үстидин адил болмиған һөкүм елан қилғанлиқини паш қилди.
Мухбиримиз әқидә хәвири
2008.06.19

 Мәзкүр тәшкилатниң юқири дәриҗилик бир хадими, америка 2001 ‏ - йили террорлуқ һуҗумиға учриғандин буян, дуняда кишилик һоқуқ қоғдиғучилириға қаритилған һуҗумларниң һесабсиз дәриҗидә көпәйгәнликини тилға алди. Доклатта йәнә, хитайдики вәзийәткә алаһидә орун берилгән болуп, бейҗиңниң олимпик мурасимини баһанә қилип, кишилик һоқуқ паалийәтчилиригә қаттиқ зәрбә бериватқанлиқи тәкитләнгән.

Буниңдин сирт, доклатта беларусийиниң кишилик һоқуқ хатирисиниң интайин начар икәнлики баян қилинип, өткән бир йилда сақчиларниң зораванлиқ һәрикәтлириниң күчәйгәнлики вә кишилик һоқуқ һимайичилиридин 617 кишиниң қолға елинғанлиқи ашкариланди.

Хитайниң кишилик һоқуқ қоғдиғучилириға қаттиқ зәрбә бериватқанлиқи паш қилиниватқан пәйтләрдә, 7 нәпәр хитай кишилик һоқуқ паалийәтчиси, америка демократик фондиниң йиллиқ мукапати билән мукапатланди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.