Asiyadiki xitay qatarliqlar musapirlar hoquqini"eng éghir" depsende qilghuchi döletler bolup bahalandi

Amérikining washin'gton shehiridiki musapirlar hoquqini qoghdighuchi bir teshkilatning jüme küni yétip kélidighan dunya musapirlar künidin bir kün burun élan qilghan bir tekshürüsh doklatida xitay, hindistan, tayland, malaysiya we bén'gallar musapirlar hoquqini eng éghir depsende qilghuchi döletler, dep bahalandi.
Muxbirimiz erkin xewiri
2008-06-20
Share

 Bulardin qalsa iraq, kéniye, rusiye, sudan we yawropa ellirimu musapirlar hoquqigha hörmet qilmaydighan döletler qatarigha kirgüzülgen. Mezkur doklatni amérika musapirlar we köchmenler komitéti, dégen bir ammiwi teshkilat hazirlighan bolup, doklatta 2007 - yili dunya buyiche musapirlar sanining 14 milyon'gha yétip, 2001 ‏ - yildikidin xéli köp ashqanliqini bildürdi.

Doklatta döletlerni ularning musapirlar hoquqigha hörmet qilish jehettiki xatirisige asasen derijige ayrighan bolup, xitay, malaysiya we taylandlar eng töwen nomur alghan döletlerdur. Doklatni hazirlighuchilar xitayning shimaliy koriyilik musapirlargha panahliq bérishni ret qiliwatqanliqi, ularni tutuwalsa öz yurtigha qayturup, bezilirining ölüm jazasi bilen jazalinishigha sewebchi boliwatqanliqini nezerde tutqan.

Doklatta népal musapirlar hoquqini depsende qilghuchi döletler qatarigha kirgüzülgen. Kishilik hoquqi teshkilatliri népal da'irilirining tibet musapirlirigha tutqan siyasitini shundaqla népalgha panah tartip chiqqan bezi Uyghur musapirlarni xitaygha qayturup bergenlikini tenqidligen idi. Népal hökümiti buningdin bir qanche yil ilgiri xotenlik musapir shir'eli qatarliqlarni xitaygha qayturup bergendin kéyin, xitay hökümiti shir'élini étip tashlighan, bashqa musapirlarning iz dérikini alghili bolmighan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet