Prézidént namziti obama özige mu'awin prézidént bolidighan namzatni élan qildi

Amérikining ilinoy shitatida ötküzülgen bir saylam pa'aliyitide démokratlar partiyisidin kélip chiqqan prézidént namziti barak obama mu'awin prézidéntliq namzitini resmiy élan qildi.
Muxbirimiz ümidwar xewiri
2008-08-24
Share

 Barak obama, mu'awin prézidént namzatining sénator baydin ikenlikini jakarlighan hemde baydinning mol tashqi siyaset tejribisige ige ikenlikini maxtighan.

65 Yashliq baydin alte qétim sénator bolghan bolup, u uzun mezgil amérika dölet mejlisi tashqi munasiwetler komitétining ezasi hemde re'isi bolghan. U, iraq mesiliside köp qétim prézidént bushning siyasitini tenqid qilghan bolup, köp jehette zor tesir küchige ige shexs süpitide étirap qilin'ghan.

Bu yil 11 - ayda amérika prézidént saylimi bolidu. Nöwette, jumhuriyetchiler partiyisidin kélip chiqqan namzat jon mékkeyin bilen démokratlar partiyisidin kélip chiqqan namzat barak obama kéler qétimliq prézidéntliq ornigha érishish üchün saylam pa'aliyiti élip barmaqta. Her ikki namzat özige mu'awin bolidighan namzatlarni tallap élan qilidu. Eger obama amérika prézidénti bolup saylansa, baydin mu'awin prézidént bolidu.

Barak obamaning kimni mu'awin prézidéntliqqa belgilishi heqqide uzundin buyan munaziriler dawamlashqan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet