Olimpik komitéti: béyjingning hawa bulghinish we metbu'at erkinlik wedisini emelge ashurush waqti keldi

 Webrégén seyshenbe küni béyjingdiki olimpik xelqara axbarat merkizining échilish murasimida söz qilip, olimpikning teyyarliqi axirlashqanliqi," emdi heriketke ötüsh waqti kelgenliki" heqqide toxtaldi.

 Webrégén, " bu dégenlik bérilgen wedidiki metbu'atni öz ichige alghan pütün mesililerni bija keltürüsh dégenliktur " deydu. Birleshme agéntliqining eskertishiche, xitay olimpik yighinining 8 ‏ - awghusttiki échilish murasimidin burun bir terep qilishqa tégishlik bir qatar mesililer bar bolup, bular béyjingning hawa bulghinishi, muxbirlarning xewer bérish erkinliki shundaqla ikki yer asti poyiz liniyisi bilen bir tömür yol liniyisining qurulushini tamamlashni öz ichige alidiken. Webrén'gén, olimpikning teyyarliq xizmitini maxtighan bolsimu, lékin "bir qisim kichik mesililerning saqliniwatqanliqi"ni yoshurmidi. Nöwettiki eng jiddiy mesililerning biri béyjing shehirining hawasini pakizlash ishidur.

Xitay 20‏ ‏ - iyuldin bashlap béyjing shehiride 2 milyon aptomobilning qatnishini toxtitipla qalmay, béyjing shehiri we etrapidiki bir qisim sana'et eslihelirini waqtinche toxtatmaqchi bolghan. Xitay öz wedisini emelde körsitishke nazliniwatqan yene bir mesile 30 ming muxbirning erkin xewerchilik bilen shughullinishigha ruxset qilish mesilisi. Bezi chet'el téléwiziye qanalliri xitay bixeterlik da'iriliri bilen sün'iy hemrah tarqitish aptomobillirining béyjing shehiride erkin heriket qilish hoquqigha érishish üchün dawalashmaqta.