Пакистан иттипақдаш армийиниң һуҗумиға наразилиқ билдүрди

Пакистан ташқи ишлар министири махмуд қурәйши пәйшәнбә күни, иттипақдаш армийә қисимлириниң пакистан территорийиси ичидә һуҗум қозғап, һечқандақ нишан вә яки муһим бир террорчини қолға чүшүрәлмигәнлики, әксичә һуҗумға учриғучиларниң аяллар вә балилар болғанлиқидин әпсусланғанлиқини, шуңа бу қетимқи һуҗумни қаттиқ әйибләйдиғанлиқини билдүрди.
Мухбиримиз әқидә хәвири
2008.09.04

 Пакистан һөкүмәт хадимлириму қурәйшиниң қарашлириға қошулидиғанлиқини ипадилиди.
 
Америкиниң өзини ашкарилашни халимиған юқири дәриҗилик бир хадими чаршәнбә күни америка мәтбуатлириға, америка башчилиқидики бир қисим қошунларниң айрупилан билән пакистанға чегрисиға кирип, афғанистан билән чегрилинидиған бир районға һуҗум қилғанлиқини билдүргән иди.

Пакистан хадимлириниң ейтишичә, чаршәнбә күни америка йетәкчиликидики иттипақдаш армийә қошуни афғанистанниң йенидики җәнубий вәзиристан райониға тәвә ангур ада кәнтигә һуҗум қилип, аз дегәндә 20 адәмни етип өлтүргән, уларниң көпинчиси аял вә балилар болуп, пакистан ташқи ишлар министирлиқи бу сәвәблик иттипақдаш армийә қисимлириға қаттиқ наразилиқ билдүрди.
Мунасивәтлик хәвәрләр
Дуня хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.