رۇسىيىدە مىللەتچىلىك ئېغىرلاشماقتا

ھازىر رۇسىيە شەھەرلىرىدە جۈملىدىن موسكۋا ئۆزبېكىستان، تاجىكىستان، قىرغىزستانلاردىن ۋە باشقا كاۋكازىيە جۇمھۇرىيەتلىرى ھەمدە خىتايدىن كەلگەن كىشىلەرنىڭ رۇس مىللەتچى ياشلىرى تەرىپىدىن ئۇرۇپ يارىلاندۇرۇلغانلىق ۋە ياكى ئۆلتۈرۈلگەنلىكى ھەققىدىكى خەۋەرلەر دائىم كۆرۈلۈپ تۇرىدۇ.
مۇخبىرىمىز ئۈمىدۋار خەۋىرى
2008.05.04

 ھەتتا، رۇسىيىنىڭ "newsru.com" ئۇچۇر تورىدا يېقىندا رۇسىيىگە تەۋە ئىنگۇشىتىيە جۇمھۇرىيىتىنىڭ پرېزىدېنتىنىڭ موسكۋادا قاتتىق ئۇرۇلغانلىقى خەۋەر قىلىندى.
 بۇ بىر قاتار مەسىلىلەر ھەققىدە توختالغان فرانسۇز تەتقىقاتچىسى مارلېنا لارۇئەللا " يېقىنقى يىللاردا رۇسىيە جەمىيىتى ۋە سىياسىي سەھنىسىدە يۈز بەرگەن ئۆزگىرىشلەرنى ۋەتەنپەرۋەرلىك ۋە مىللەتچىلىكتىن ئىبارەت ئىككى سۆزگە يىغىنچاقلاش مۇمكىن" دەيدۇ.

ھازىر رۇسىيىدىكى مىللەتچىلەر :"رۇسىيە پەقەت رۇسىيىلىكلەر ئۈچۈن" دەيدىغان شۇئارنى كۆتىرىپ چىققانلىقى ئۈچۈن مىللەتچىلىك ئىدىيىسىدىكى پارتىيىلەر مەركىزىي ئاسىيالىق ۋە خىتاي قاتارلىق دۆلەتلەردىن كەلگەن ئىشچى كۆچمەنلەرنى قوغلاپ چىقىرىش ئوبيېكتى دەپ قارىغان.

رۇسىيىدىكى تاقىرباشلار دەپ ئاتالغان مىللەتچى ياشلار ئەڭ خەتەرلىك گۇرۇپپا بولۇپ، رۇسىيىلىكلەرنىڭ مەلۇماتىغا قارىغاندا، ئۇلارنىڭ قولىدا زىيانكەشلىككە ئۇچرىغانلارنىڭ سانى يىلدىن يىلغا كۆپەيمەكتە، ھەتتا يېقىندا رۇسىيىنىڭ يىراق شەرقىدىكى خىتاي بىلەن چېگرىداش جايدا رۇس ياشلىرى بىلەن خىتاي ئوقۇغۇچىلىرى ئارىسىدا كوللېكتىپ توقۇنۇش يۈز بەرگەن.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
دۇنيا خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.