Rusiye türkiyining bir qisim yéza igilik mehsulatlirigha chek qoydi

Rusiye yaza igilik da'iriliri 7 - iyundin étibaren türkiyidin rusiyige élip kirilidighan bir qisim yéza igilik mehsulatlirini rusiyige kirgüzmeslikni qarar qilghan bolup, rusiyining xewerler agéntliqining uchurigha asaslan'ghanda, bu chek qoyush peqet waqitliq xaraktérigha igidur. Emma qachandin bashlap yene qaytidin kirgüzüshke ruxset qilinidu? bu téxi namelum.
Muxbirimiz ümidwar xewiri
2008-06-01
Share

 Xewerge qarighanda, rusiye asasliqi türkiyining pemidur qiyami, kartoshka qatarliq köktatliridin bashqa yene üzüm we limon qatarliq méwilirining rusiyige élip kirilip sétilishini tosup qoyghan.

Intérfakis agéntliqi, rusiyining mundaq chek qoyushidiki asasliq sewebning türkiyining 2008 - yilidin bashlap rusiyige kirgüzgen bir qisim yéza igilik mehsulatlirining ximiyilik maddilarni ishlitish miqdari rusiye ölchimidin yuqiri hemde rusiyining salametlik we pakizliq ölchimige toshmighanliqida iken.

Melumki, türkiye sowét ittipaqi yimirilgendin buyan rusiye bazarlirini méwe - chéwe, köktat mehsulatliri bilen teminleydighan muhim döletke aylan'ghan bolup, bu mehsulatlarni türkiyiliklerla emes, hetta rusiyilik tijaretchiler özlirimu élip kiridu, türkiyining yéza igilik mehsulatliri asasliqi, moskwa qatarliq chong sheherlerni teminlesh rolini oynimaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet