Rusiye - xitay arisida chégra kélishimi imzalandi

21 - Iyun düshenbe küni rusiye - xitay arisida chégra kélishimi imzalan'ghan bolup, shuning bilen mezkur ikki dölet arisida uzundin buyan talash ‏ - tartishtiki sherqiy chégra mesilisi hel bolghan.
Muxbirimiz jüme xewiri
2008.07.21

 Kélishim imzalash murasimi xitay paytexti béyjingda ötküzülgen bolup, kélishimge rusiye tashqi ishlar ministiri sérgéy lawrof we xitay tashqi ishlar ministiri yang jyéchilar imza qoyghan.

Fransiye agéntliqining neqil élip körsitishiche, rusiye tashqi ishlar ministiri sérgéy lawrof mezkur chégra kélishimining imzalinishi, muqimliq, öz ‏ - ara menpe'et we hemkarliqqa shert hazirlaydighanliqini bildürgen.

Gerche kélishimge imza qoyghuchi her ikki terep kélishimning toluq mezmunliri üstide héchqandaq tepsiliy melumat bermigen bolsimu, emma xewerlerdin melum bolushiche, rusche tarabarof dep atilidighan yinlung arilining hemmisi we bolshoy ussurisky yeni xéyshiyazi arilining yérimi xitaygha qayturulidiken.

Rusiye - xitay chégra de‏ - talishi charrusiye dewridila mewjut bolup, hetta 1960 - we 70 ‏ - yillarda bu ikki dölet arisida qoralliq toqunushlarmu yüz bergen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.