مىللىي قىرغىنچىلىق جىنايىتى ئۆتكۈزگەن كارادزىك خەلقئارا سوتقا تۇتۇپ كېلىندى

• مۇخبىرىمىز ۋەلى خەۋىرى
  2008-07-30

 بىرلەشمە ئاگېنتلىقىنىڭ يازغۇچىسى دوسان ستوجانوۋىكنىڭ بايان قىلىشىچە، بىرلەشكەن دۆلەتلەر تەشكىلاتىنىڭ خەلقئارا سوتى كارادزىكنى ئېتنىك قىرغىنچىلىق يۈرگۈزدى دەپ ئەيىبلەپ 1995 ‏ - يىلى تۇتۇش بۇيرۇقى چۈشۈرگەندىن كېيىن، جىنايەتچى قېچىپ - يوشۇرۇنۇپ يۈرگەن ئىدى. ئۇ سېربىيىدە تۇتۇلغاندىن كېيىن، سېربىيە دائىرىلىرى جىنايەتچىنى خەلقئارا سوتقا ئۆتكۈزۈپ بەردى، بۇنى ب د ت نىڭ باياناتچىسى لىيام مىكدوۋال ئىسپاتلىدى.

شىنخۇا ئاگېنتلىقى بۇ ھەقتە خەۋەر بەرگەندە، سېربىيىدىكى ئۆكتىچى پارتىيىلەر 29 ‏ - ئىيۇل كۈنى 15 مىڭ كىشىلىك نامايىش ئۆتكۈزۈپ، كارادزىكنى خەلقئارا سوتقا ئۆتكۈزۈپ بېرىشكە قارشى تۇردى ۋە كارادزىكنى مىللىي قەھرىمان دەپ ئاتىدى دەپ ئالاھىدە تەسۋىرلىدى.