Шветсийә ташқи ишлар министирлиқи доклатида хитайни әйиблиди

Йеқинда шветсийә ташқи ишлар министирлиқи дунядики дөләтләрниң кишилик һоқуқ әһвали һәққидә 2007 - йиллиқ доклатини елан қилған болуп, мәзкур доклатта хитайниң кишилик һоқуқ хатирисигиму көп орун берилгән һәмдә уйғурларниң дәпсәндә қилиниватқан кишилик һоқуқ мәсилисиму алаһидә тилға елинған.
Мухбиримиз җүмә хәвири
2008.05.26

 Доклатниң уйғурларға қаритилған қисимда хитай һөкүмитиниң 1949 - йилдин буян уйғур елигә пиланлиқ нопус йөткәш сияситини йүргүзгәнлики нәтиҗидә, бу райондики хитайлар нопусиниң илгирики 6 пирсәнтидин бүгүнки күндә мәзкур райондики көп санлиқ милләт уйғурларниң нопусидин ешип кәткәнлики, һәмдә уйғурларниң, диний етиқад әркинликидин ибарәт әң әқәллий кишилик һоқуқтинму мәһрум қилғанлиқи көрситилгән.

Доклатниң хитайниң түзүлмисигә ениқлима берилгән қисимда, хитайниң бир диктатор дөләт икәнликини, бу дөләттә хәлқниң сөз - пикир, диний вә ахбарат әркинликидин мустәсна һалда яшайдиғанлиқини оттуриға қоюлған.

Доклат 21 бөләктин тәркип тапқан болуп, хитайға қаритилған қисиминиң аз санлиқ милләтләрдин уйғур, тибәт, моңғул қатарлиқ милләтләр тилға елинған қисимда, бу милләтләрниң хитайниң ассимилятсийә сияситиниң қурбаниға айлиниватқанлиқи әскәртилгән.

Мунасивәтлик хәвәрләр
Дуня хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.