Amérikining istanbuldiki konsulxanisi aldida jiddiy étishish weqesi yüz berdi

 Istanbulning sheher bashliqi mu'emmer gulerning éytishiche, bu üch neper qoralliq adem amérikining istanbuldiki konsulxanisini qoghdawatqan türk saqchilirigha bügün etigen sa'et 11 de hujum qilghan. Weqeni öz közi bilen körgen kishilerning NTV téléwiziye istansisigha ispatliq bérishiche, üch neper qoralliq adem aptomobildin chüshüpla amérika konsulxanisi aldida posta turghan türk saqchilirigha oq chiqarghan.

Türk saqchiliri derhal inkas qayturup bu 3 neper qoralliq ademni étip tashlighan, bu qétimqi étishish weqeside 3 türk saqchisi oq tigip ölgen, ikkisi yarilan'ghan.

Roytérs agéntliqining istanbuldin bayan qilishiche, bügün türkiyide yene, aghri ölkisidiki ararat téghigha kelgen 3 neper gérman sayahetchisini PKK kurdistan ishchilar partiyisining partizanliri görüge éliwalghan bir jiddiy weqe yüz berdi.