Америка тәйвәндики ғәйри рәсмий әлчиханисиниң сиясий орнини көтүрмәкчи

Америка һөкүмити, тәйвәндики ғәйри рәсмий баш әлчиханисигә, америка деңиз армийисиниң қуруқлуқ қисимлирини әвәтишни пиланлимақта. Мулаһизичиләрниң ейтишичә, бу америкиниң тәйвән билән болған мунасивәтлиридә муһим бир вәқә һесаблинидикән.
Мухбиримиз өмәр қанат хәвири
2008.04.19

Америка бирләшмә агентлиқиниң хәвәр қилишичә, америка ташқи ишлар министирлики, тәйвәндә инглизчә чиқидиған "тәйби вақти" гезитигә елан берип, тәйбейдә йеңи ясалған америка институти ичидә америка деңиз армийиси қуруқлуқ қисимлири бихәтәрлик понкити ясаш үчүн қурулуш ширкәтлирини, бу бихәтәрлик понкитиниң қурулушини әһдигә елиш үчүн тәклиплирини сунушқа чақирған.

Чәт дөләтләрдики әлчиханилири вә баш консолханилиригә, кичик бир деңиз армийиси қуруқлуқ қисимни орунлаштуруш, америка һөкүмитиниң бир әнәниси һесаблиниду.

Америка бирләшмә агентлиқиниң хәвәр қилишичә, америка әлчиханиси вәзиписини орундаватқан, тәйвәндики америка институтиға, америка деңиз армийисиниң қуруқлуқ қисимлирини орунлаштуруш, мәзкур инситетотниң сиясий орнини техиму юқири көтүридикән.

Америка һөкүмити, тәйвәндики америка институтида ишләйдиғанлардин, вәзипигә башлаштин бурун, ташиқи ишлар минстирлигидики вәзиписидин истипа беришини тәләп қилип кәлгән. Лекин йеқинда бу шәртни бикар қилған иди.

Америка һөкүмитиниң, америка институтиға деңиз армийиси қуруқлуқ қисимлири әвәтиш қарарини, америка тәйвән мунасивәтлиридики муһим бир илгириләш дәп көрсәткән, тәйбидики тамкаң онверситиетиниң профессори, александир хуваң, тәйвәндики америка институтиға, америка деңиз армийиси қуруқлуқ қисимлириниң әвәтилиши билән америка бу инситетотниң орнини әлчихана дәриҗисигә көтәргән болиду" дегән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.