Amérika teywendiki gheyri resmiy elchixanisining siyasiy ornini kötürmekchi

Amérika hökümiti, teywendiki gheyri resmiy bash elchixanisige, amérika déngiz armiyisining quruqluq qisimlirini ewetishni pilanlimaqta. Mulahizichilerning éytishiche, bu amérikining teywen bilen bolghan munasiwetliride muhim bir weqe hésablinidiken.
Muxbirimiz ömer qanat xewiri
2008-04-19
Share

Amérika birleshme agéntliqining xewer qilishiche, amérika tashqi ishlar ministirliki, teywende in'glizche chiqidighan "teybi waqti" gézitige élan bérip, teybéyde yéngi yasalghan amérika instituti ichide amérika déngiz armiyisi quruqluq qisimliri bixeterlik ponkiti yasash üchün qurulush shirketlirini, bu bixeterlik ponkitining qurulushini ehdige élish üchün tekliplirini sunushqa chaqirghan.

Chet döletlerdiki elchixaniliri we bash konsolxanilirige, kichik bir déngiz armiyisi quruqluq qisimni orunlashturush, amérika hökümitining bir en'enisi hésablinidu.

Amérika birleshme agéntliqining xewer qilishiche, amérika elchixanisi wezipisini orundawatqan, teywendiki amérika institutigha, amérika déngiz armiyisining quruqluq qisimlirini orunlashturush, mezkur insitétotning siyasiy ornini téximu yuqiri kötüridiken.

Amérika hökümiti, teywendiki amérika institutida ishleydighanlardin, wezipige bashlashtin burun, tashiqi ishlar minstirligidiki wezipisidin istipa bérishini telep qilip kelgen. Lékin yéqinda bu shertni bikar qilghan idi.

Amérika hökümitining, amérika institutigha déngiz armiyisi quruqluq qisimliri ewetish qararini, amérika teywen munasiwetliridiki muhim bir ilgirilesh dep körsetken, teybidiki tamkang onwérsitiétining proféssori, aléksandir xuwang, teywendiki amérika institutigha, amérika déngiz armiyisi quruqluq qisimlirining ewetilishi bilen amérika bu insitétotning ornini elchixana derijisige kötergen bolidu" dégen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet