Хәлқара кәчүрүм тәшкилати қолға елинған тибәтликләрниң из дерикини сүрүштә қилди

Мәркизи әнглийидики хәлқара кишилик һоқуқ тәшкилатлиридин һесабланған кәчүрүм тәшкилати чаршәнбә күни доклат елан қилип, хитай һөкүмитиниң 3 ‏ - айда лхасада йүз бәргән наразилиқ җәрянида қолға елинған 1000 дин артуқ тибәтликниң әһвали һәққидә очуқ ипадә билдүрүшини тәләп қилди.
Мухбиримиз әқидә хәвири
2008.06.19

 Мәзкүр тәшкилатниң билдүрүшичә, һөкүмәт наразилиқ намайишини бастуруш җәрянида 1000 дин ошуқ тибәтни қолға алған болуп, буларниң ичидики аз бир қисим кишиләр үстидинла сот ечилип, һөкүм елан қилинған.

Хәлқара кәчүрүм тәшкилати асия райониға мәсул хадиминиң ейтишичә, хитай сақчилири вә бихәтәрлик хадимлири вәқә йүз бәргәндә нәччә йүзлигән бутханиларға һуҗум қилғандин сирт, кишиләрниң өйлиригичә бастуруп кирип, қол телефун, компютер қатарлиқларни йиғивелип, әгәр ким чәтәл ахбаратлириниң зияритини қобул қилса түрмигә ташлинидиғанлиқи һәққидә тәһдит салған.

Тенч йосунда өз пикирини баян қилғанлиқ сәвәбидин шараити начар түрмиләргә ташланған нәччә миңлиған тибәтликләрниң қайси түрмиләргә қамалғанлиқи вә җинайити тоғрисида һөкүм елан қилинмиса , уларниң аилә тавабатлириниң қейин әһвалға чүшүп қалидиғанлиқини билдүргән кәчүрүм тәшкилати хитайниң бу әһвални дәрһал бир тәрәп қилишини тәләп қилди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.